بيان من رابطة الطلاب الاشتراكيين بخصوص اضراب المعلميين

نظرا لاهمية الحدث الراهن "اضراب المعلميين المصريين" ونظرا لادراكنا اهمية هذا الحدث تعلن رابطة الطلاب الاشتراكيين بمدارس وجامعات مصر عن تاييدها الكامل لاضراب المعلميين المصريين ومساندة المجهودات المكثفة من خلال جميع الحركات والروابط المؤيدة للاضراب والتى تعمل جاهدة على الدعوة للاضراب عن العمل بدءا من العام الدراسى الجديد والذى يبدا غدا للضغط على الجهات المسئولة لتحقيق مطالبهم ونعلن ايضا تاييدنا لنقابة المعلميين المستقلة واعلانها عن تنظيم مليونية يوم الاثنين المقبل امام مجلس الوزراء .ونهيب بكل الحركات الخاصة بالمعلمين بالتربية والتعليم ان تصدر بيانا توضيحيا لكيفية التنسيق بين المعلميين فى جميع المحافظات لضمان نجاح الاضراب .

وتاييد رابطة الطلاب الاشتراكيين بمدارس وجامعات مصر ينبع من ايمانها واعضائها ايمانا تاما بان تحقيق مطالب الاضراب سوف ينعكس اثره على كل اسرة مصرية وكل بيت مصرى وان للمعلميين الحق الكامل فى الاضراب السلمى الذى كفلته المواثيق والمعاهدات الدولية التى وقعت عليها مصر والذى يعمل على تحقيق مطالبهم كاملة من اجل تعليم افضل لمستقبل افضل.

رابطة الطلاب الاشتراكيين

تحريراً في :16 سبتمبر2011

الايميل :

socialiststudentseg@gmail.com

الموقع:

http://socialiststudentseg.blogspot.com/

رابط صفحة الفيس بوك :

http://www.facebook.com/socialiststudentseg

تعليقات كوميدية

القاضي: ايه معلوماتك عن القناصه يا عيسوي ؟
العيسوى: لا يوجد قناصه بالداخلية
القاضى: مامعلوماتك عن تسليح الشرطه بالذخيره الحيه يا عيسوي ؟
العيسوى: لايوجد اسلحه اليه فى الداخليه
القاضى: مامعلوماتك عن قتل المتظاهرين يا عيسوي ؟
العيسوي: الشرطه اول من ايدت الثورة وطلبات المتظاهرين
القاضى : من قتل المتظاهرين يا عيسوي ؟
العيسوى: معرفش والله .. ولكن ليس الشرطه
القاضى: وقع على اقوالك يا عسيوي
العيسوي: انا ببصم

أقول لمن يريد إلغاء قانون الطوارئ ،،

عيب عليك ياأخي ..

القانون ده بقاله معانا 60 سنة ، يعني قد والدك ..
... ترضي حد يقول لوالدك عايزين نلغيك ؟؟!!
احنا اسفين يا طوارىء

شهادة عمر سليمان أمام المحكمة

س / هل أمر مبارك بقتل المتظاهرين؟
ج / يا أفندم إزاى ثائر يقتل ثوار
... س / إذن من الذى قتلهم؟
ج / اعمار يا افندم عمرهم خلص على كده
س / بماذا تفسر اطلاق النار عليهم من قبل الشرطة؟
ج /يافندم إطلاق النار كان إبتهاج بالثورة ولم يكن للقتل
المحكمة نكتفى بشهادة عمر سليمان ولا داعى لحضور المشير ويخلى سبيل مبارك ويتم القبض على الشهداء لارتكابهم جريمة الانتحار الجماعى رفعت الجلسة

المجلس السمكري

بعد انتهاء ال18 يوم اللي انتهوا بتنحي مبارك بدأ الكلام بان حرام بقى ان يبقى في مظاهرات تانية والكلام الفاضي ده وان مطالب العمال والفلاحيين ديه مطالب فئوية وهذفها تدمير مصر وهي ضد المصلحة العامة وان رحيل حكومة شفيق مينفعش لاننا نحتاج إلى واحد عنده خبرة واحمد شفيق ده واحد عمل شغل جامد جداً في المطارات المصرية والكلام ده كله ( مش عارف مين اللي فهمهم ان مصر ديه مطار مع انها بلد وشعب ) .
ومجلس القلل او المجلس السمكري ( المشهور باسم المجلس الاعلى للقوات المسلحة ) قعد يبعت في رسائل للمواطنيين على التليفوناتويقول فيها ان وجود مظاهرات في الوقت الحالي بيعطل المسيرة. وكان له الموقف الشهير بالهجوم على المتظاهريين يوم 25 فبراير وطبعاً استعبط واعتذر وقال رصيدنا يسمح .
ومرت الايام لغاية اما الناس بدأت تعرف ان مجلس القلل هو اللي بيحمي الثورة ولكن الثورة المضادة لما بدأوا بقى يقبضوا ع الثورا ويحاكموهم المحاكمات العسكرية وطبعاً فض اعتصام التحرير يوم 9 مارس والبلاوي اللي حصلت فيه .
المجلس بيحاول انه يخلي اكبر عدد من الشعب ضد الثورة بطرق مختلفة :
اولاً : يحاول يفهم الناس ان الثورة خلصت خلاص يوم 11 فبراير ( مع انها في التاريخ ده نقدر نقول انها ابتدت بجد )
ثانياً : مهاجمة كل مجموعة تحاول انها تستكمل الثورة ويقول عليها انها ضد الثورة وان اللي معاهم هما الثوارالحقيقيين ( مع ان اللي معاهم دول بتوع انا اسف ياريس ) وانهم بيؤيدوه في مسيرة الاصلاح ( مش عارف ازاي ثورة تعمل اصلاحات اللي اعرفه ان اي ثورة بتعمل تغيير ).
ثالثاً : تسمية الاحتجاجات الاجتماعية بالاحتجاجات الفئوية الانانية التي تهدف إلى تخريب مصر وتدمير بسكلتة الانتاج ... الخ .ووصل الامر لاصدار قانوان بيمنع حقهم في الاحتجاجات والاعتصامات .
رابعاً: القبض على الثوار ومحاكمتهم محاكمة عسكرية والحجة ان القضاء المدني مش مستعد لهذه القضايا وفي نفس الوقت مبارك ومعاونيه اللي بيتحاكموا بتهم قتل الثوار قدام المحاكمة المدنية ( ده لو افترضنا انه بيتحاكم اصلاً ) وهما رفضوا انه يتحاكم عسكرياً وده طبيعي لانه قدوتهم ودول كلابه .
خامساً : اللي يهاجم المجلس العسكري ده بيهاجم الجيش وبيقبض من برة وعاوز يقسم مصر وضد وحدتها واستقرارها ... الخ .
سادساً : رفع الاسعار واستمرار ضخ الغاز للكيان الصهيوني وكل يوم يطلع كام عيل في وسائل الاعلام ويقولوا : السياحة بايظة بسبب بتوع التحرير الدنيا متدمرة ومفيش بيتزا والدنيا بتنهار وبتوع التحرير بيخربوا البلد (زي حكاية الجاسوسة اللي اتكلمت ايام ال 18 يوم )
ويقعدوا بقى يقولوا انهم لقوا بيرة وحشيش في خيم ميدان التحرير .
كل الكلام ده الهدف منه انهم يعملوا صورة سيئة لكل واحد يحب يفكر انه يكمل الثورة او يهاجم المجلس السمكري (بصفته انه حاكم مصر الان مش بيهاجم الجيش ) .
بعد كل ده اقدر اقول ان المجلس السمكري اخد الحكم من مبارك علشان يحمي بقاياه .
يعني لما لقى الخطر على النظام قال مفيش مانع من التضحية برأس النظام في سبيل حماية النظام نفسه وبدأ في استغلال كل الامور لصالحه من اجل ان يسيطر هو على كل شئ ويفضل في استمرار لسياسات مبارك من خلال سيطرتهم على كل شئ واستمرار حكم العسكر وطبعاً الصهاينة هيؤيدوهم لانهم عملائهم وحبايبهم زيهم زي مبارك .
الحل الان واحد فقط وهو استمرار الثورة وده يحصل لما يبقى في توعية كبيرة للناس والوقوف صف واحد ضد سياسات المجلس السمكري ونجبرهم على العودة لثكناتهم لان ده مكانهم الوحيد .

وشكراً

لماذات انا غير متبع للافكار التروتسكية

لماذا انا غير متبع للافكار التروتسكية (الاشتراكية الثورية )
هنا اتحدث عن اسبابي التي تمنعني من اتباع الافكار التروتسكية (الاشتراكية الثورية )

سؤال يوجه لكل ماركسي لينيني وهو لماذا انت غير متبع لأفكار ليون تروتسكي (التروتسكية)؟
واسمحوا لي ان اقول انا الاجابة .
انني ارى ان الافكار التروتسكية افكار تحريفية وفاشلة .
فتحريفية لانها خرجت عن المسار الحقيقي للافكار الماركسية .
فتروتسكي يرى انه لا توجد اشتراكية في بلد واحد , وهذا ما نفاه لينين بدليل ان لينين قام ببناء دولة اشتراكية وهي الاتحاد السوفيتي. وأيضاً فأنه يرى ان الثورة يقوم بها العمال فقط ويقلل من دور الفلاحيين بالرغم ان اساس الفكر الماركسي مبني على العمال والفلاحيين وان لكل واحد منهم دور ولا يوجد أحد اقل أهمية من الاخر فالأثنين هم الكادحيين التي وجدت الماركسية لكي تحررهم .

أما عن فشلها :

فتروتسكي يرى ان الثورة يجب ان تكون ثورة أممية تجتاح البلدان كلها في وقت واحد وهذه الفكرة وجدت في مصر واليمن فقد انطلقت ثورة مصر( التي لا تزال في بداية الطريق) يوم ال 25 من يناير 2011 وبدأت اليمن تقريباً في نفس هذا التاريخ او بعده بيوم او يوميين , ولكن في مصر استطاعنا في اليوم الرابع من المظاهرات (28 يناير) من خلع حكومة احمد نظيف وفي يوم 11 فبراير استطعنا خلع الطاغية مبارك , ولكن اليمن منذ ان انطلقت به الثورة حتى اليوم لا يزال علي عبدالله صالح في الحكم والامر قد تطور تطورات مختلفة تماماً عن مصر ( بأختصار ان كل طرف من الاثنين كانت له طرقه وتطوراته ) بالرغم من ان الهدف واحد وهو اسقاط النظام ( مع العلم بان مصر حتى الان لم تستطع ان تسقط النظام حتى الان )ولكن الحال اختلف بين مصر واليمن .
وكذلك فتروتسكي ايضاً في هذه النقطة نسي ان لكل بلد ظروف تختلف عن البلد الاخر من حيث درجة وعي الجماهير وايضاً التطورات الخاصة بكل بلد.
فهناك بلاد تحتاج لثورات تحول للديمقراطية واخرى تحتاج لثورات التحول للاشتراكية واخرى تحتاج لثورات التحرر الوطني .\فأنني ارى ان الافكار التروتسكية افكار تحريفية وفاشلة ومن المستحيل ان تطبق هذه الافكار لان المحاولات القريبة منها تعطينا تأكييد فشلها وبعدها عن الواقع .
ولكن بالرغم من أن هذه الافكار تحريفية من وجهة نظري , يجب الا ننسى ان هذه الفكرة متفرعة من افكار لينين (بالرغم من انها انحرفت عن المسار الحقيقي) وهناك العديد من النقاط المشتركة بيننا ويجب في الوقت الحالي الاتحاد امام التيار الديني والتيار الليبرالي وان نعف الناس بما هو الفكر الاشتراكي والفرق بين اللينينية والتروتسكية والناس من حقها ان تختار ما تراه صحيحاً .
وشكراً .

اربعون عاماً على الرحيل

كتبت بتاريخ 28 سبتمبر 2010
اربعون عاماً نفتقض احساس تعودنا عليه في 16 عاماً .اربعون عاماً نعيش بدون كرامة ولا حرية ولا علاقة طيبة مع الاقباط ولا رفع رأس امام المستعمرين اربعون عاماً على رحيلك يا ناصر العروبة اربعون عاماً على رحيل جمال عبد الناصر جمال عبد الناصر رحلت عنا بجسدك ولكنك دلخل قلوبنا .انك جعلتنا اكثر احتراماً من العالم . لم ترضى بالمعونة ولكن رضيت بالتبادل التجاري .كنا نزرع قمحنا الذي ناكل منه كنا نعيش حياة رائعة .كان المواطن المصري ذو كرامة بجميع بلاد العالم .كان لا يوجد اضطهاد للأقباط .منذ ان حكمت حتى مت كان عدد المعتقلين 1600 معتقل فقط لا غير . الان الشهر الواحد يكون به 1600 معتقل.سوء صورتك جهاز المخابرات لكنك داخل قلوب المصريين والعرب لن ننساك مهما مر الزمان فانت الفارس الي قاد البلاد إلى طريق الكرامة ولكن خطئك الوحيد هو ان عينت السادات نائباًَ لك لانه دمر ما بنيته .رحمك الله يا زعيمنا ولكنك لم تمت لانك داخل قلوبنا جميعاً
وبالرغم من انني ماركسي لينين لكنني احترم تجربتك 

في السنة اللي صدرنا فيها الغاز بدولار استوردناه بعشرة امثاله

 .كتبت بتاريخ 27\8\2010
الحكومة بتصدر غازانا للصهاينة  وبتصدره بكام بدولار وربع او اقل كمان وكلده في ظل الحكومة الرشيدة لنظيف والحكم الرائع للاستاذ المبجل حسني مباركديه كمان الحكومة بتصدره باقل من ثمنه الحقيقي يعني انا بشتريه بسعر اعلى من اللي بياخد بيه الصهيوني  .
طيب دلوقتي انا عندي ازمة كهربا والحكومة بتجيب الكهربا من الغاز الطبيعياللي هي مغرقة بيه الصهاينة.
وانا عندي الكهربا بتقطع وكمان عن المستشفيات  ففي ناس بتتعرض للموت في المستفيات زي اللي في العناية المركزة او غرفة العمليات فديه بتكون كارثصة ان الكهربا  تقطع وبعض مستشفيات الحكومة مفيهاش مولد اخر  ينقذ الدنيا وطبعاً الغاز يستمر يتصدر للصهاينة  واحنا نموت ما نموت ايه المشكلة يعني ؟
ايه المشكلة اما الشعب يموت ؟
ما هو كدة كدة ميت ميت  انما احنا لازم ندي كل حاجة لاسرائيل  وتحيا اسرائيل
ديه سياسة النظام وهي طز ومليون طز في هذا الشعب والشعوب العربية طالما في اللي عاوزه الناسبتوع النظام
وهما يهمهم ايه غير انهم ينهبوا كل حاجة ؟
زي ما علموا واخدوا فلوس لما دخلوا الامريكان العراق لما سابوا لهم قناة السويس يعدوا منهم ووصلت لدرجة تامين بحري عليهم  ولما في يوم قتلوا واحد من التجار اللي بيمشوا في مراكب يبيعوا للسفن  النظام سابه يمروا مرور الكرام وكأنها ارض اللي خلفوهم.
ومفيش حد منعهم او طالبهم حتى بتعويض لاسرة المواطن اللي اتقتل ولا اللي اتصابوا ومنهم من كان خلاصمش هيعرف يعيش زي الاول.
كل ديه بلاوي للنظام ده
ومفيش تحرك لامتى هنسكت
لامتى هيفضل لساننا جوا بقنا مش بيتحرك ولا طلعنا ضدهمعملنا لهم اي حاجة
احنا بنموت وهما بيعيشوا ليه؟
ليه يبيعاو ويشتروا في الغاز برخصالتراب ويشتروه باضعاف مضاعفة عشان الشعب ما يقمش عليهم بسبب انقطاع الكهرباء؟
الشعب لازم هيثور ويقوم  ضد اللي سرقوه ونهبوه وبهدلوه ده شئ لابد منه\
علاء الشرقاوي_27\8\2010