نشيد الاممية كاملاً

بداية معلش مش لاقي فيديو او تسجيل صوتي للنشيد كامل فهجيب لكم ده وبعد كدة باقي النشيد

كتب نشيد "الأممية" تخليدا لذكرى كومونة باريس الاشتراكية التي تأسست في مارس من عام 1871 الشاعر الفرنسي التقدمي أوجين بوتييه. استخدمت الترجمة الروسية كالنشيد الوطني للإتحاد السوفييتي بين عامي 1917 و 1944، حيث تم استبداله بعدها بنشيد السوفييت.

النشيد :

مقطوعة 1

الشيوعة والدين

صور لشرح علاقة الشيوعية بالدين وانها ليست كفر

حول الانتخابات

الاول هعرض عليكم موقف الحزب الل انا بتشرف بالانتماء ليه :
في الاول ده البيان :

فلنقاطع الإنتخابات من أجل الحرية والكرامة والعدالة الإجتماعية
ندعوا شعبنا العظيم إلى مقاطعة إنتخابات الرئاسة لأن كل المرشحين في خدمة الطبقة الرأسمالية والمجلس العسكري الذي قاد الثورة المضادة وقتل الثوار واعتقل أكثر من 12 ألف شاب وحاكمهم محاكمات عسكرية ظالمة واغتصب البنات وأجرى لهم كشف عذرية وهو إجراء مرفوض طبقاً لكل المواثيق الدولية الخاصة بحقوق الإنسان .
إن هؤلاء المرشحين القافزين للكراسى والسلطة على حساب الشعب ودماء الشهداء من الطبقة الرأسمالية إللي نهبوا الشعب الغلبان وأفقروه
إن هذه الإنتخابات لصالح الطبقة الرأسمالية إللي سرقت الشعب ورفعت عليه الأسعار في كل إحتياجاته من سكن وتعليم وعلاج ومأكل ، وهي حاجات أولية وبسيطة لازم تبقى متوفرة للكل .
الحرامية بقى جايين تاني يضحكوا على الغلابة باسم الاستقرار ؟! أي إستقرار ؟! إستقرار الفقر والجوع والبطالة وإستقرار النهب والنصب ؟ طيب ما كان أيام النظام السابق في إستقرار والناس خرجت ضد إستقرار الحرامية إللي جوعوا الشعب وأفسدوا كل شئ في حياتهم وخلوه يكلم نفسه ، إزاي نعيش وإزاي نأكل العيال وإزاي ندفع الإيجار وإزاي وإزاي ؟؟؟
شعبنا العظيم إن الإنتخابات لعبة رأس المال وليست لعبة الفقراء والكادحين إللي بيضّحك عليهم بديمقراطية يوم كل 4 سنين ، يعني يقول رأيه يوم واحد بس في الأربع سنين ، ده الناس وصلت للفرجة على اللحمة والفاكهة وحتى الفراخ البيضة بقت كتيرة ووصلنا للهياكل حتى الهياكل بقت كتيرة علينا ، والشباب مش لاقي عمل ولا أكل وبقى ماشي يتفرج على محلات الملابس وعلى الشقق الفاضية وهو مش لاقي سكن وبيسأل أخرتها إيه
إن الرأسمالية لا ترحم أحد ، ولا تعرف إلا الربح والربح فقط ، ولا يهمها الشعب أو الإنسانية
إن سكان القصور في التجمع الخامس لن يحسوا بالفقراء أو الشباب العاطل ولا البنات العوانس ، طيب والحل إيه ؟! الحل ثورة إشتراكية ، ثورة من أجل الشباب وإنقاذه من الضياع والفقر والبطالة والمخدرات والسرقة والبلطجة والإنحراف بكل أشكاله ، فالشباب هم المستقبل .
شعبنا العظيم إن ذهابنا إلى الإنتخابات يعني مزيد من الفقر والحرمان وظلم الحرامية للشعب وسرقته ، فهل بأيدينا نساعد الرأسمالية على الاستقرار ونهب الشعب المصري ؟!
فلنقاطع الإنتخابات من أجل كشف هؤلاء من النظام السابق والمجلس العسكري إللي نهب البلد والجماعة إللي بيتاجروا في أكل الشعب ورفع الأسعار ويدّعون أنهم يملكون مفتاح الجنة .
إن هؤلاء النصابين بيقتلوا القتيل ويمشوا في جنازته ، إن كل هؤلاء الرأسماليين حرامية والإنتخابات هي لعبتهم .
ايها المصريون لاتذهبوا الى اية صناديق انتخابية قبل انتصار الثورة وانتزاع سلطة الشعب من النظام الرأسمالي بكافة صوره .... ولاتذهبوا للجان مفبركة من اجل إنتاج رئيس رأسمالي يسرق قوت الغلابة .. لابد من انتزاع السلطة وانتصار الثورة ...الرئاسة فى ظل حكم العسكر ستعيد صياغة النظام الرأسمالي إللي بيمص دم الشعب ...النقطة الأساسية الآن هى الثورة الإشتراكية .. الانتخابات الحالية هي مضيعة للوقت ومضيعة لدماء الشهداء وحقوق الفقراء والكادحين .
سقط رأس هرم النظام فقط – وهذه الرأس كانت حسنى مبارك - ولكن باقى جسد وهيكل النظام ظل كما هو - الإنتخابات الغرض منها إنقاذ النظام القديم من الهدم وإعادة بناءه مرة أخرى ... إن الإنتخابات تقوم ببناء رأس جديدة لنفس النظام وبتوقف هدمه ... بتبنى لنفس الهرم الجزء البسيط الذى سقط مع بعض الدهانات الخارجية كشكل تجميلى
الشعب وحده هو القادر على هدم هرم النظام الرأسمالي هدما كاملا من خلال الثورة الاشتراكية
وعلى هذا نعلن مقاطعتنا التامة لهذه المسرحية الهزلية الرخيصة الجديدة المسماة بإنتخابات رئاسية التى يسعى النظام بقوانينه ومؤسساته وأفراده من عسكر وإخوان وأحزاب ونخبة وإئتلافات لتقديمها وعرضها .
فلنقاطع الإنتخابات من أجل القيام بثورة إشتراكية من أجل حياة كريمة
إن الحزب الشيوعي الثوري يدعوا كل الشعب والشباب من أجل القيام بالثورة الإشتراكية والخلاص من الفقر والظلم .
إن ثورة الجياع لهي الثورة الإشتراكية القادمة
معاً نبني مجتمعنا الإشتراكي الخالي من الفقر والظلم .
مجتمع الحرية والعدل والمساواة .
الحزب الشيوعي الثوري
 www.facebook.com/CPREgypt
 رابطة الطلاب الاشتراكيين
 http://www.facebook.com/socialiststudentseg
واللي عاوز يتأكد ده لينك البيان :
http://www.facebook.com/note.php?note_id=302744719810944
وده فيديو يوضح الموضوع اكتر

انا موافق على ان تحصل المقاطعة ولكن :
بالرغم من كرهي الشديد للاخوان وتحديداً بعد ما كفروني السنة اللي فاتت نتيجة للخلافات الل طلعت ولكن نفسي ان محمد مرسي يكسب طبعاً عارف انك يا عزيزي القارئ هتكون دلوقتي بتشتمني ولكن مع فوز مرسي هتكون نهاية الاخوان .
لو فاز واحد زي احمد شفيق هيلمهم وهيخشوا السجن زي زمان ولكن كل مرة الكلاب دول بيخشوا فيها السجن بيطلعوا اقوى من الاول النهارة لو فازوا بالرئاسة بعد ما اتعروا قدام الناس هتكون ايه النتيجة ؟ زيادة التعرية قصاد الناس , يعني النهارة هو هيبقى معاه السلطة التنفيذية جنب التشريعية يعني ملوش حجة ومع ذلك اوعدكوا بفشلهم حيث ان الاخوة دول هياخدوا قرض من السعودية بفايدة 8 ف المية بدل قرض البنك الدولي ابو 3 ف المية  يعني باختصار ارتفاع ف التضخم وبيع مصانع وشركات اكتر يعني تشريد عمال وموظفيين وخصخصة تعليم وحرمان كتير من الفقراء من حقهم ف التعليم . واحد دلوقتي يقولي انت عاوز الفقرا يضيعوا وتبهدل الدنيا اقوله لا طبعاً ولكن بكدة اه اللي هيحصل لو مع كل الكلام كان في شغل من نار لليسار الثوري ف الشارع  يبقى بالتالي معناه انهيار لقوة الاخوان ف الشارع المصري وبالتالي قيام ثورة اشتراكية تشيل حكم الاخوان وتقضي تماماً عليهم وخصوصاً ان الغضب ده هيبقى ف القلب منه الفقراء واهل المناطق الشعبية اللي هما بيضربوا ف الحكومة لوحدهم مش بيستنوا زي التانيين لما الغاز والخرطوش ينضربوا عليهم . يعني لو حبينا نقضي على الاخوان يبقى من مصلحتنا انهم يكسبوا الانتخابات

حول جمعة 20 ابريل

اليوم  ده الواحد نله بيأس غريب  عشان نول الاسلاميين وانهم عامليين فيها دور الثوريين ولكن انا ورفاقي ف الحزب الشيوعي الثوري اتفقنا على النزول باعلامنا الحمراء عشان نتحداهم جوا الميدان ونربيهم وننل ضدهم وضد العسكر.
وطلعنا بيان ضد الاخوان والعسكر وزعناه ف طلعت حرب واتخانقنا مع اسلاميين تحت مقر حزب التجمع وطبعاً رفاقنا ف حزب التجمع واتحاد الشباب الاشتراكي نزلوا وساندونا ضد الكلاب ورجعنا اخدنا الاعلام ونزلنا ودخلنا الميدان وهتفنا ضد المرشد والمشير وف ميدان التحرير حرقنا صورة لشعار الاخوان وصورة المشير كاعلان عن موقفنا والاسلاميين اتخانقوا معنا عشان رفعنا الاعلام الحمرا واتهمونا بالعمالة للسوفيت (اللي هو اصلاً مبقاش موجود) وطالبونا باننا ننزلها عشان  نحافظ على وحدة الصف ونرفع اعلام مصر ف الوقت اللي كانوا هما فيه بيرفعوا اعلام الحرية والعدالة والاعلام الخضرا والسودا ورفضنا ودخلنا وولعنا الدنيا وهتفنا ضدهم قصد منصتهم وقلعنا الجزم عليهم وهتفنا ضدهم ف الاول اضطروا للسكوت ونزلوا البلتاجي وبعد كدة رفعوا الصوت عشان يغطوا على صوتننا . وخرجنا من محمد محمود ولفينا ورجعنا الميدان تاني وقعدنا نهتف وقرفناهم ف عيشة امهم  .
بالرغم من ان كان عددنا قليل ولكن كنا بنتحرك بطريقة تقرفهم وكتير من الجرايد والشبكات كتبت عننا وع اللي عملناه وجريدة الحرية والعدالة قعدت تلطم اكتر من يوم ع اللي عملناه فيهم ف الميدان .
وبصوا ع الاخبار بقى

http://www.youtube.com/watch?v=ypbbsMEJpd0

http://www.sahmnews.com/vb/showthread.php/354255-%D9%8A%D8%B3%D9%82%D8%B7-%D9%8A%D8%B3%D9%82%D8%B7-%D8%AD%D9%83%D9%85-%D8%A7%D9%84%D9%85%D8%B1%D8%B4%D8%AF-..-%D9%87%D8%AA%D8%A7%D9%81%D8%A7%D8%AA-%D9%85%D8%B3%D9%8A%D8%B1%D8%A9-%D9%84%D9%84%D8%AD%D8%B2%D8%A8-%D8%A7%D9%84%D8%B4%D9%8A%D9%88%D8%B9%D9%8A-%D8%A7%D9%84%D8%AB%D9%88%D8%B1%D9%8A-%D8%A3%D9%85%D8%A7%D9%85-%D9%85%D9%86%D8%B5%D8%A9-%D8%A7%D9%84%D8%A5%D8%AE%D9%88%D8%A7%D9%86

http://gate.ahram.org.eg/NewsContent/13/70/198731/%D8%A3%D8%AE%D8%A8%D8%A7%D8%B1/%D8%A7%D9%84%D8%B4%D8%A7%D8%B1%D8%B9-%D8%A7%D9%84%D8%B3%D9%8A%D8%A7%D8%B3%D9%8A/%D9%8A%D8%B3%D9%82%D8%B7-%D9%8A%D8%B3%D9%82%D8%B7-%D8%AD%D9%83%D9%85-%D8%A7%D9%84%D9%85%D8%B1%D8%B4%D8%AF-%D9%87%D8%AA%D8%A7%D9%81%D8%A7%D8%AA-%D9%84%D9%84%D8%AD%D8%B2%D8%A8-%D8%A7%D9%84%D8%B4%D9%8A%D9%88%D8%B9%D9%8A-%D8%A7%D9%84%D8%AB%D9%88%D8%B1%D9%8A-%D8%A3.aspx

شوية كلام عن 6 ابريل

في يوم 6 ابريل 2012 ويوم 5 كمان طلع كل من هب ودب يقول ذكرى الانتقلاقة الخامسة لحركة شباب 6 ابريل , احب اوضح شوية حاجات ف الموضوع ده وهو ان وقتها كانت الدعوة للاضراب ف الاصل لعمال المحلة واللي نظمهم عدد من اليساريين وكان من ضمنهم الرفيق احمد بلال في المحلة وكانت دعوة اضراب القاهرة وباقي المحافظات طالعة من عدد من اعضاء كفاية على الفيس بوك والنت والمدونات مش اكتر , ولكن اللي كان له قوة واللي خلى الاضارب يستمر كان عمال المحلة وبعدها طلع مجموعة من كفاية وغيرها وعملوا حركة شباب 6 ابريل بعد الاضراب بفترة يعني لا ذكرى الانطلاقة الخامسة ولا زفت والكلام ده كلام اهبل

وانا فعلاً كنت اتخنقت فقلت اكتب هنا عشان اخلص لولا عمال المحلة مكنش هيبقى للاضراب اي لزمة  

متى سيعود الفقير لميدان التحرير مستكملاً ما بدأنه منذ 25 يناير 2011

حدث في الفترة الاخيرة ان كتير من الفقراء خرجوا من استكمال الثورة .

لان بعد كل ما يقع مننا شهيد علشان ننفي انه بلطجي نطلع الشهادات اللي اخدها ف حياته وانه كان طالب مدارس اجنبية ولا دكتور ولا ولا ولا ولو غير كدة مبنتكلمش عنه او بنقول عليه بطلجي ومندس عشان يخرب الثورة اللي بيقوم بيها ولاد الناس النضيفة الناس اللي متعلمة ف مدارس اجنبي وكدة .

بقى حتى كتير م الفقرا يلبس انضف حاجة عنده عشان لما يموت محدش يقول عليه بلطجي . الفقير شارك ف الثورة عشان هدفها السياسي والاجتماعي مش السياسي بس لان المهم اكتر بالنسبة له العدالة الاجتماعية. وزي ما قال لنين الجماهية الجائعة لن يشبعها اي قدر من الحرية السياسية 

خلونا بقى نفتكر يا اولاد الناس النضيفة الفقرا دول عملوا ايه للثورة .

يوم 25 يناير كانت بدأت المظاهرات تتطلع من اماكن متعددة (حسب اقتراح مركز الدراسات الاشتراكية والسبب كان عشان الامن ميفرمناش ف مكان معين فنفرقه ف مليون منطقة ومنطقة) وكانت المناطق الشعبية والفقيرة حتى قبل اليوم ده كانت المظاهرات فيها اقوى مظاهرات وفعلاً يومها كانت المظاهرات قوية من امبابة مثلاً وغيرها م المناطق الشعبية .

وحتى يوم 26 يناير على بروفايل احمد ماهر منسق شباب 6 ابريل قال : (يا جماعة كونوا مجموعات لا تتخطى الاربعة افراد وانزلوا للمناطق الشعبية وطلعوا المظاهرات من هناك لان الامن بيفقد السيطرة ع المناطق ديه , وامبارح خير دليل على الكلام ده ).

انا فاكر الكلام ده كويس اوي .

ويوم 28 يناير بشهداة الجميع السيدة زينب وامبابة وغيرها م المنطاق الشعبية ف القاهرة واهالي المناطق الشعبية ف اسكندرية وكل محافظة هم اللي حسموا الامر مع الشرطة وخلوها ترجع ف اكبر انهزام لقوات الشرطة .

ف السيدة زينب كان الضرب اشتغل بمجرد انتهاء صلاة الجمعة وخروج المظاهرات

فنزلت الاهالي اللي اتخنقت م الغاز بهتاف واحد (.. )امك يا مبارك وغيره وبدأ تصنيع المولتوف والقائه على قوات الشرطة غير اكتر من منطقة ضربوا طوب على بتوع الشرطة وشدوهم لجوا ولم دخلوا الاهالي رموهم جوا من فوق البيوت بالمولتوف والطوب .

وف اسكندرية نفس الموضوع نزل ابناء المناطق الشعبية اللي طالع عين اللي خلفوهم م الشرطة واللي بتعمله ودول نازليين هنضرب يعني هنضرب مفيش تفاهم وفعلاً ضربوا ف الشرطة حرقوا عربيات وظباط كانوا مبيعملوش حاجة غير قتل المواطنين وحصل وضربوهم بلا رحمة ف رد قوي ع اللي كان بيحصل والشرطة وقتها نقدر نقول انهارت تماماً ولولا انهيارها لكان المتظاهريين اتفرموا وانتهت الانتفاضة في اولها وعرف ظباط الشرطة انه من الممكن هزيمتهم .

وطبعاً فضل الموضوع مأثر جامد وتديداً اسكندرية اللي منزلوهاش غير ف اواخر شهر مارس وطبعاً نقل ظباط الشرطة من مكان لمكان عشان اللي شافوه .

يعني كان اهم دور كان محجوز للفقراء .

بس بعد كدة بدأ اولاد الناس النضيفة يطلعوا ويقولوا الثورة ديه ثورة سياسية والكلام الفاضي ده ونسيوا الفقرا وبدأ الهبل فلان ده كان متعلم فين وكان واخد شهادة ايه والكلام ده .

طبعاً متقوليش بعد كل ده ان فقير هيفكر ف انه ينزل تاني حتى لو بوسنا رجله والصراحة له حق .

وعلينا اننا مننساش جملة لينين "البطون الجائعة لن يشبعها اي قدر من الحرية السياسية" يعني لو عملت ايه مش هينزل معاك طول ما انت بتتكلم على الحرية السياسية وناسي حقه

ثائر ال 12 عام طفل الشارع الذي يثور لماذا يثور وعلى اي شئ؟

ف احداث مجلس الوزراء طلع علينا رئيس وزراء حكومة انقاذ المجلس السمكري اللي جبوها القلل ف احداث محمد محمود لما لقى نفسه بينتهي ف اقوى رد فعل حصل ع اللي عملوه يوم 19 نوفمبر , وقال الصراحة كلام اقل ما يوصف به انه كلام اهبل اوي وملوش اي لازمة .

وكان ضمن الكلام كلمه هابلة اوي اسمها طفل الشارع اللي بيثور ده بيثور على ايه وازاي ثائر عنده 12 و14 سنة ازاي دول بيثوروا على ايه.

وانتشر كلامه على صفحات الفلول وصفحات الثوار اولاد الناس النضيفة المستحمية اللي اقتنعوا بالجملة ديه بس .

وكل شوية ارد على حد منهم على جنب وخلاص لكن لما زهقت قلت اكتب مقالة وتبقى قدام العالم دول علشان اريح دماغي .

بص يا خول انت وهو ياللي صدعتوا دماغي

دلوقتي الواد ده اتولد لقى ايه ؟؟

لقى دولة بتعامله على انه مواطن درجة مليون لقى اب فقير وام فقيرة يوم ما تعبوا ملقوش غير مستشفى حكومي هلى قدهم دخلوا فيها ومفيش رعاية واتكلوا على الله وارتاحوا .

ملقاش لقمة ياكلها وطبعاً ده فقير هيروح مدرسة ازاي ويتعلم ازاي ولو اتعلم سنة ولا اتنين وطلع منها واضطر ينزل يشتغل علشان يصرف على نفسه ويعرف يعيش وعيشته ما يعلم بيها الا ربنا طالع عينه ولقى ان الثورة ديه فيها الامل انها ممكن تغير الدنيا وتخليه يعيش حياته كويس , لقى ثوار ولاد ناس نضيفة شالوا العدالة من اولوياتهم وحصروا الثورة ف الاهداف السياسية .

بس مفقدش الامل وقال يحاول ونزل التحرير وشاف ناس من صحابه  بيموتوا على ايد الشرطة ف 28 يناير او ناس ماتت قدامه وخلاص قال مش ماشي ويا احنا يانتم يا حكومة بنت (...) وقعد واستحمل واتهموه انه بلطجي واتذل بس صبر واستحمل ولقى ناس برضه معاه من الثوار .

الطفل ده شاف حكومة كل وظيفتها سرقته ومعاملته اسوء معاملة وحتى الثوار ناس منهم انكروه وناس اعترفوا بيه ووقفوا معاه .

الوعي اللي عنده اعلى من (...) اخريين مرزوعيين على الكنبة وقاعديين يشتموا ف الثوار ده كان ليه موقف ووقف ضد الظلم اللي بيشوفه والقرف والذل .

الطفل الثائر ده انضف منك يا جنزوري يا (...) انت (.....) طنطاوي

الطفل الثائر انضف منكم يا (....) يا بتوع حزب الكنبة 

الطفل الثائر ده انضف منكم يا (...) يا بتوع العباسية وعكاشة وانا اسف يا ريس .

اغاني بصوت جديد ورائع

حالة الهدوء الثوري

اصبحنا في حالة من الهدوء الثوري بعد فشل اضراب يوم 11 فبراير المظاهرات هدأت والناس قعدت وحالة من السكوت وافتقاد للروح الثورية والحالة ديه مش اول مرة نمر بيها مرينا بيها كتير قبل كدة .

وفشل الاضراب ده تم لعدد من الاسباب :

اولاً مكنش عندنا اي توضيح لما بعد اسقاط حكم العسكر

محدش اتلكم عن رؤيته لما بعد رحيل المجلس الكل بس اتكلم على ان احنا لازم نعمل الاضراب وهم لازم يرحلوا والناس عندها اصلاً قلق من وقف حال البلد احنا معرفناش نعمل ايه ونقول ايه وازاي وده مشكلته اننا اصلاً معندناش قيادة تقدر تنظم ده .

ثانياً عدم وجود الدعاية بشكل جيد

الناس دعت للموضوع فجأة وركزوا الدعوة على الفيس بوك وتويتر والمدونات وقليلون اللي نزلوا الشارع ووزعوا ورق واتكلموا مع الناس وفهموهم .

ثالثاً ان الدعوة ركزت على القعدة ف البيت وبس

اي عمل ثوري بيفقد الروح لما تقول اقعدوا في البيت من غير تنظيم مظاهرات ووقفات فبيبقى الموضوع فيه كسل مبيبقاش فيه الروح اللي بتخلينا نكمل ونستمر ونواصل .

رابعاً عدم التنسيق الجيد .

مكنش في تنسيق جيد بين الطلاب والعمال والموظفيين وشرح لهم الاهداف وماخدنا اراء العمال وفوق ده كله المطالب كلها مطالب سياسية وانت مينفعش تطالب عامل او موظف بالمشاركة وانت حاطط اهداف سياسية وبس ومتجاهل الاهداف الاجتماعية .

محدش يقول ان الجيش مكنش همه الموضوع ده بالعكس المجلس كان مرعوب من الموضوع ده لانه لو كان تم كانت هتبقى نهايته ولكن بكدة هو اطمئن انه عارف يقضي على الثورة وباختصار كتب شهادة وفاة الثورة قبل ما تبقى ثورة حقيقية .

وبعد الفشل اللي حصل ده افتقدنا الروح الثورية تماماً .

بس مش معنى كدة اننا فشلنا تماماً بالعكس احنا لازم نحط كل التجارب السابة قدامنا وندرسهم كويس علشان نقدر نعمل حاجة صح .

واهم حاجة نبعد عن السلمية ويبقى للثورة قيادة واهداف واضحة علشان نقدر نحقق الثورة اللي بجد ونعمل دعاية كويسة وتحريض للجماهير بشكل سلين علشان نضمن النجاح

مشكلة الثورة المصرية

كنت من فترة بقلب ف صفحة انا اسف ياريس وكان كلامهم :

ماذا قدمتي يا ثولة للفقير ؟ وكلام اهبل كدة

الثورة المصرية منقدرش نقول عليها ثورة حتى يومنا هذا بعد عام من اندلاعها فهي ليست اكثر من مجرد انتفاضة مستمرة منذ عام واكثر .

فالثورة ليست لها مطالب بل لها اهداف تسعى لتحقيقها ويجب ان يكون لها قيادة تسعى وبدون اي حرج في الاستيلاء على السلطة لتحدث التغيير الجذري مش مجرد تغيرات من فوق . قبل ما نقدر نعمل القيادة ونقدر نستولى على السلطة ف احنا ف انتفاضة وكلمة انتفاضة مش كلمة بزيئة زي ما الناس بتفتكر ولكن الانتفاضة هي المرحلة اللي بتبقى قبل الثورة الكاملة اللي تقدر تعمل التغيير الشامل .

هنا ف مصر الناس مشتغلتش بالشكل الكاف اللي يخلينا نقدر نقوم بثورة حقيقية . مكنش في قيادة والناس حتى مخلتش لنفسها فرصة تدرس تجربة تونس وحتى تدرس تجربة 77 ف انتفاضة الخبز بتاعة مصر . ولا حتى كان ليها قيادة واحدة وفضلوا فرحانيين بده وحتى لما بدأت الامور تبان من يوم 28 يناير اننا دخلنا خلاص ف الجد او حتى ف 9 فبراير برضوا كان واضح ان الامور دخلت ف الجد اوي وبرضه محدش فكر لوجود قيادة لميدان التحرير وياداين التحرير الاخرى ف الاسكندرية او السويس او الاسماعلية او غيرهم .

والناس صدقت ان الجيش ممكن يحمي الثورة وينحاز لها ويدافع عنها بالرغم من مصالح الجنرالات الكبار , وصدقوا احنا اللي حمينا الثورة بالرغم انهم سابوا الجمال والحصنة تخش الميدان يوم 2 فبراير اللي هو يوم موقعة الجمل.

والناس قالت مطالب ثورة , وقالت ثورة علشان نعمل اصلاح وده بيدل على ان مكنش في شغل توعية بالشكل الكاف اللي يخينا نقدر نعمل ثورة حقيقية تقدر تعمل تغيير جذري احنا حتى الان نعتبر في الانتفاضة لسة مبقناش ف ثورة حقيقية .

وعلشان ده يحصل محتاج مش اقل من سنة ع الاقل لحد ما تظر قوى ثورية بجد قادرة على ان تفعل التغيير الجذري اللي احنا عاوزينه والتغيير الجذري تغيير سياسي واقتصادي شامل في شكل شئ .

لحد ده لازم ننتشر ونعرف الناس بايه هي الثورة ف كل مكان ف الجامعة ف المدرسة ف المواصلات وف كل مكان