شوية كلام عاوز اقولهم لاني اتخنقت من كل اللي بيحصل او من تلت اربع اللي بيحصل في البلد اليومين دول .
ملحوظة المقالة ممكن يبقى فيها كلام يضايقك :
اول حاجة اليساريين اللي بيروحوا يتحالفوا مع الليبراليين ويقولوا عشان ولحدنا واحنا مينفعش نخوض الصراع لوحدنا (ودول في النهاية بيبقوا بتوع انتخابات وان اليسار يوصل من خلال السلطة ) ودول بيبقى عندهم معركة وهمية بيسموها مدنية الدولة ودول بقى بيبقى اغلبهم في التحالف الشعبي الاشتراكي واتحاد الشباب الاشتراكي والتجمع والاشتراكي المصري والشيوعي المصري وبيقعدوا يعيدوا ويزيدوا في ان الصراع دلوقتي على مدنية الدولة مش على ان مصر تبقى اشتراكية ولا لا , واغلبهم او تقريباً كلهم بيبقوا من انصار التحليل والنقد الليبرالي , ومع ذلك بيسموا نفسهم يساريين وبعضهم بيسمي نفسه ماركسي لينيني .
نخش على الصنف التاني وهو ناس شبه دول بالظبط بس مع بعض الاختلافات اسمهم حركة الاشتراكيين الثوريين (منظمة تروتسكية ) وكلهم متمركزين داخل مركز الدراسات الاشتراكية دول بقى بيدعوا إلى التحالف مع الاخوان من اجل تعميق الثورة المصرية .
الناس ديه بقى كوميدية برضه ولا يقلوا كوميديا عن الصنف الاول , حيث ان هؤلاء فاكريين ان الاخوان جزء لا يتجزأ من الثورة المصرية او الحركة الوطنية المصرية وانهم وطنيين وضد الاستغلال وضد الامريكان والصهاينة وانهم رفقاء نضال وثوريين (يعني الكلام ده لو كان لغاية فبراير 2011 كنت اقول مش واخديين بالهم و كنا نلاقي عذر ليهم لكن النهاردة واحنا في يناير 2013 بعد ما الاخوان انفضحوا للكل وبان انهم مع الصهاينة ومع الامريكان وبيدعموهم ومع الاستغلال والاستعمار والصهيونية وده على ما اظن واضح جداً من سياسات الاخوان سواء اللي بيعملوها الان او الموجودة في برامجهم سواء مشروع النهضة ولا برنامج الحرية والعدالة)
والصنف التاني عمال بيتكلم عنهم وكأنهم بقى ناس ضد الصهيونية وضد الامبريالية وبيناضلوا ضدها وضد الملكية الخاصة لوسائل الانتاج وانهم فصيل ثوري وطبعاً ده مش حقيقي بالإضافة إلى ذلك بنلاقي مدح شديد في شباب الاخوان (مع ان دول اللي كانوا بيقتلوا في الثوار قدام الاتحادية ) ويقولوا هينضموا لينا لما نتحرك ضد الجماعة (ازاي معرفش) والاكثر كوميديا عزيزي القارئ هو التناقض الشديد في كلامهم يهاجموهم وفي نفس الوقت يقولوا لا بد من التحالف معهم .
طبعاً الصنفين بالنسبة لي اي كلام وانا ضد ده وده لان ده وده اغبيا ورايحيين يتحالفوا مع الكلاب الرأسماليين سواء الليبراليين او اللي بياخدوا غطاء ديني لسياساتهم الرأسمالية وبيعترفوا ده وبيتشرفوا بده ومعرفش ازاي كل واحد منهم بيسمي نفسه يساري او بيسمي نفسه ماركسي واحياناً ماركسي لينيني وهو رايح يتحالف مع هذه الكائنات .
من ناحية تانية بقى بيعجبني اوي الحماس الشديد لدى بعض الشباب بخصوص 25 يناير 2013 لما بيقعدوا يقولوا هنعمل ونسوي مع اني ضد كلامهم ده .
واحد يسألني طب ليه ضد كلامهم , اقولك يا سيدي:
طبعاً انا بكره الاخوان وضد سلطتهم وضد فكرهم , ولكن لما نتكلم بجد نلاقي ان اللي نازليين يوم 25 يناير 2013 وبيقولوا هنعمل ثورة ضد الاخوان اولاً فاقديين لعوامل قيام الثورة وهي التنظيم الثوري اللي ليه نظرية ثورية قايم عليها وله قيادة وبرنامج ثورة . واحد يقولي طب ما 2011 مكنش في ده . اقوله ماهو علشان كدة فشل ومبقاش ثورة حقيقية .
الناس هتنزل يوم 25 يناير اللي جاي زي السنتين اللي فاتوا معندهمش رؤية هنعمل ايه بكرة بعد سقوط حكم الاخوان ومفيش بديل للي موجود حالياً وهم نازليين يسقطوه وبرضه بنفس الفكرة اللي مضيعانا (نتحرك وربنا يفرجها من عنده بعدين ) .
السنة اللي فاتت بصفتي كنت في الشارع طول يوم 25 يناير ( اللي الناس نزلت فيه تطالب بسقوط حكم العسكر دون وجود بديل وطالب اغلبهم بنقل السلطة للبرلمان اللي اغلبيته اخوان مع ان كان واضح ان الاخوان ضد الثورة اساساً وتبع المجلس العسكري) اقدر اقول انه كان لعب عيال مش اكتر من كدة .
طبعاً كلنا بنحب مصر ونتمنى ان يحصل فيها شئ كويس ولكن للاسف بقولها لكم بكل صراحة مصر مش هيحصل فيها حاجة كويسة واحنا بننزل بطريقة نتحرك وربنا يسهلها ويفرجها من عنده ونبقى نشوف هنتصرف ازاي .
الكلام ده هو اللي ضيعنا طول السنتين اللي فاتوا لازم نفهم احنا بنتحرك علشان ايه وبنعمل ايه وهنتحرك ازاي واخرنا فين ونفهم احنا نازليين نسقط مين ونفهم النظام هو ايه وكل حاجة عنه قبل ما ننزل نسقطه بدل ما كل مرة ننزل وفي النهاية الوجوه بس هي اللي بتتغير والسياسات بتفضل زي ما هي .
انا عن نفسي ناوي انزل يوم 25 ولكن ده برضوا ميمنعش اني عند رأيي ولو حصل حاجة واحنا مش منظمين وفاهميين احنا بنعمل ايه وليه هنضيع زي ما ضعنا قبل كدة .
وعلينا ان نفهم منذ الان انه لا ثورة كل فئات الشعب لان اللي هيعوزه العامل من الثورة غير اللي هيعوزه رجل الاعمال فلازم نفهم ولازم يبقى فيه بديل وكفاية تحركات عفوية .
اه ماشي نعمل مظاهرات ولكن منقولش هنعمل ثورة واحنا مش جاهزيين اننا نقوم بيها ولا فاهميين هتمشي ازاي .
ملحوظة المقالة ممكن يبقى فيها كلام يضايقك :
اول حاجة اليساريين اللي بيروحوا يتحالفوا مع الليبراليين ويقولوا عشان ولحدنا واحنا مينفعش نخوض الصراع لوحدنا (ودول في النهاية بيبقوا بتوع انتخابات وان اليسار يوصل من خلال السلطة ) ودول بيبقى عندهم معركة وهمية بيسموها مدنية الدولة ودول بقى بيبقى اغلبهم في التحالف الشعبي الاشتراكي واتحاد الشباب الاشتراكي والتجمع والاشتراكي المصري والشيوعي المصري وبيقعدوا يعيدوا ويزيدوا في ان الصراع دلوقتي على مدنية الدولة مش على ان مصر تبقى اشتراكية ولا لا , واغلبهم او تقريباً كلهم بيبقوا من انصار التحليل والنقد الليبرالي , ومع ذلك بيسموا نفسهم يساريين وبعضهم بيسمي نفسه ماركسي لينيني .
نخش على الصنف التاني وهو ناس شبه دول بالظبط بس مع بعض الاختلافات اسمهم حركة الاشتراكيين الثوريين (منظمة تروتسكية ) وكلهم متمركزين داخل مركز الدراسات الاشتراكية دول بقى بيدعوا إلى التحالف مع الاخوان من اجل تعميق الثورة المصرية .
الناس ديه بقى كوميدية برضه ولا يقلوا كوميديا عن الصنف الاول , حيث ان هؤلاء فاكريين ان الاخوان جزء لا يتجزأ من الثورة المصرية او الحركة الوطنية المصرية وانهم وطنيين وضد الاستغلال وضد الامريكان والصهاينة وانهم رفقاء نضال وثوريين (يعني الكلام ده لو كان لغاية فبراير 2011 كنت اقول مش واخديين بالهم و كنا نلاقي عذر ليهم لكن النهاردة واحنا في يناير 2013 بعد ما الاخوان انفضحوا للكل وبان انهم مع الصهاينة ومع الامريكان وبيدعموهم ومع الاستغلال والاستعمار والصهيونية وده على ما اظن واضح جداً من سياسات الاخوان سواء اللي بيعملوها الان او الموجودة في برامجهم سواء مشروع النهضة ولا برنامج الحرية والعدالة)
والصنف التاني عمال بيتكلم عنهم وكأنهم بقى ناس ضد الصهيونية وضد الامبريالية وبيناضلوا ضدها وضد الملكية الخاصة لوسائل الانتاج وانهم فصيل ثوري وطبعاً ده مش حقيقي بالإضافة إلى ذلك بنلاقي مدح شديد في شباب الاخوان (مع ان دول اللي كانوا بيقتلوا في الثوار قدام الاتحادية ) ويقولوا هينضموا لينا لما نتحرك ضد الجماعة (ازاي معرفش) والاكثر كوميديا عزيزي القارئ هو التناقض الشديد في كلامهم يهاجموهم وفي نفس الوقت يقولوا لا بد من التحالف معهم .
طبعاً الصنفين بالنسبة لي اي كلام وانا ضد ده وده لان ده وده اغبيا ورايحيين يتحالفوا مع الكلاب الرأسماليين سواء الليبراليين او اللي بياخدوا غطاء ديني لسياساتهم الرأسمالية وبيعترفوا ده وبيتشرفوا بده ومعرفش ازاي كل واحد منهم بيسمي نفسه يساري او بيسمي نفسه ماركسي واحياناً ماركسي لينيني وهو رايح يتحالف مع هذه الكائنات .
من ناحية تانية بقى بيعجبني اوي الحماس الشديد لدى بعض الشباب بخصوص 25 يناير 2013 لما بيقعدوا يقولوا هنعمل ونسوي مع اني ضد كلامهم ده .
واحد يسألني طب ليه ضد كلامهم , اقولك يا سيدي:
طبعاً انا بكره الاخوان وضد سلطتهم وضد فكرهم , ولكن لما نتكلم بجد نلاقي ان اللي نازليين يوم 25 يناير 2013 وبيقولوا هنعمل ثورة ضد الاخوان اولاً فاقديين لعوامل قيام الثورة وهي التنظيم الثوري اللي ليه نظرية ثورية قايم عليها وله قيادة وبرنامج ثورة . واحد يقولي طب ما 2011 مكنش في ده . اقوله ماهو علشان كدة فشل ومبقاش ثورة حقيقية .
الناس هتنزل يوم 25 يناير اللي جاي زي السنتين اللي فاتوا معندهمش رؤية هنعمل ايه بكرة بعد سقوط حكم الاخوان ومفيش بديل للي موجود حالياً وهم نازليين يسقطوه وبرضه بنفس الفكرة اللي مضيعانا (نتحرك وربنا يفرجها من عنده بعدين ) .
السنة اللي فاتت بصفتي كنت في الشارع طول يوم 25 يناير ( اللي الناس نزلت فيه تطالب بسقوط حكم العسكر دون وجود بديل وطالب اغلبهم بنقل السلطة للبرلمان اللي اغلبيته اخوان مع ان كان واضح ان الاخوان ضد الثورة اساساً وتبع المجلس العسكري) اقدر اقول انه كان لعب عيال مش اكتر من كدة .
طبعاً كلنا بنحب مصر ونتمنى ان يحصل فيها شئ كويس ولكن للاسف بقولها لكم بكل صراحة مصر مش هيحصل فيها حاجة كويسة واحنا بننزل بطريقة نتحرك وربنا يسهلها ويفرجها من عنده ونبقى نشوف هنتصرف ازاي .
الكلام ده هو اللي ضيعنا طول السنتين اللي فاتوا لازم نفهم احنا بنتحرك علشان ايه وبنعمل ايه وهنتحرك ازاي واخرنا فين ونفهم احنا نازليين نسقط مين ونفهم النظام هو ايه وكل حاجة عنه قبل ما ننزل نسقطه بدل ما كل مرة ننزل وفي النهاية الوجوه بس هي اللي بتتغير والسياسات بتفضل زي ما هي .
انا عن نفسي ناوي انزل يوم 25 ولكن ده برضوا ميمنعش اني عند رأيي ولو حصل حاجة واحنا مش منظمين وفاهميين احنا بنعمل ايه وليه هنضيع زي ما ضعنا قبل كدة .
وعلينا ان نفهم منذ الان انه لا ثورة كل فئات الشعب لان اللي هيعوزه العامل من الثورة غير اللي هيعوزه رجل الاعمال فلازم نفهم ولازم يبقى فيه بديل وكفاية تحركات عفوية .
اه ماشي نعمل مظاهرات ولكن منقولش هنعمل ثورة واحنا مش جاهزيين اننا نقوم بيها ولا فاهميين هتمشي ازاي .
وشكراً واسف اني طولت عليكم
علاء الشرقاوي
هذا هو الموقف الثورى من الناحية الأساسية أما الإصلاحيون الليبراليون البورجوازيون على اختلاف مللهم واجيالهم فيحاولون جر الثورة الى المستنقع انتهاءا الى الرقص على دف السلطة القائمة . فى مثل هذه الاقوال لاتخش ان تطيل فكلنا آذان صاغية .
ردحذفممكن اعرف مصادرك عن تحالف الاشتراكيين الثوريين مع البرجوازية الوطنية ؟ وايه موقفك من البرجوازية الوطنية
ردحذفالرفيق علاء
ردحذفكلامك جميل ، لكن اسمحلى أقف عند بضع نقاط
الأولى : اللى أعرفه إنك عضو بالتحالف الشباب الاشتراكي ومع ذلك هاجمتهم فى خطوة طيبة منك
التانية : أنا عضو بالاشتراكيين الثوريين وسئلت طوب الأرض عن التحالف مع الاخوان والكل بيقول لى الكلام ده مش صح .
و أكدوا لى إن فى لبس فى موضوع تحالفنا مع الاخوان وانه مش صحيح
عجبنى طموحك لتنظيم كيان ثورى وبديل لحكم الاخوان ، وأتفق معك فى حتمية وضع رؤية لكن فى النهاية ده كلامى انا وانت .. لازم الكلام ده يوصل للناس كلها ، ومش عارف نوصله ازاى
اولاً انا عضو سابق انا كنت من الاعضاء في الاول من اول ما بدأ الكلام عن اتحاد الشباب وحتى بعد ما خرجت منه انا لسة على اتصال بيهم ولا ازال صديق لاغلب الاعضاء فيه .
حذفثانياً تقدر تشوف موقع اليوم السابع والدعوة الصريحة اللي اتقالت في الندوة وبص لو الكلام مش حقيقي على الحركة ان تصدر بيان لتنفي فيه هذا وكل يوم بيسيبوا فيه الموضوع كدة بدون رد ونفي او تأكيد بيبقى الناس متأكدين ان ده حقيقي.
واخيراً اهلاً بيك ولابد لوجود تنظيم ثوري لانه ضرورة ملحة ولازم نشتغل وسط الناس ونترك التحالفات والانتخابات
المعلومات مش صحيحة ، وانا اتاكدت من زمايلى فى الحركة
ردحذفلاحركة ثورية بدون نظرية ثورية وحزب ثورى ..ويظل هذا الحزب هو الوسيلة وتظل النظرية هى المرشّد وتبقى المعضلة بكيفية الاجابة على السؤال الخالد فى تاريخ الشيوعيين حول اشكالية التقاء الوعى والعفوية ..ونعم ومليون نعم يظل الحزب الثورى الذى هو حزب الطبقة العاملة الفرّازة بين جماعات المتمركسين والثورويين اصحاب المواقف الانتهازية الذيليةوالجملة الثورية المتحالفين مع قوى الاعداء الطبقيين والتاريخيين للطبقات الشعبية الكادحةوبين الماركسيين اللينينيين ابطال الموقف المبدئى الثورى ..لقد طالت واستطالت محاولات _ وعلى مدى عقود_ بناءذلك الحزب الماركسى اللينينى وكلما اقترب اكتمال لوحات التصميم اذا بالتصدّع يصيب الاساس .. ولعل الحركة الجماهيرية وذاك الزخم الثورى منذ انتفاضة يناير الشعبية الكبرى 2011 وحتى الآن وبرغم التفاوت بمنحنى الهبوط والصعود لهذا التحرك الشعبى ولظروف واسباب ذاتية وموضوعية بل ومن المؤكد ان يكون ذلك عاملا فوق محفّز بضرورةنظم تلكم الحركة وتنظيمها بخلق وتخليق الحزب الماركسى اللينينى الذى طال انتظاره وتظل تلك المسألة مهمة الشيوعيين المصريين الملحّة والحاسمة بضرورات التوقيت والموضوعية ..ولنستكمل مهام الثورة
ردحذفhttp://www.ahewar.org/debat/show.art.asp?aid=299375
ردحذفلمؤاخذة بصفتي كاتب هذه السطور
ردحذفتقدروا تشوفوا يا اللي بتشككوا في كلامي على جريدة اليوم السابع ندوة الاشتراكيين الثوريين والدعوة الصريحة للتحالف مع الاخوان .
انا ضد التحالف مع البرجوازية لا من خلال الاخوان ولا من خلال الليبراليين لان في الحالتين التصرف ده غلط وفي مقالة هتلاقوها لو دورتوا في المدونة اسمها لماذا لا يجوز التحالف بيننا وبين الليبراليين .
انا بهاجم الطرفين لان الطرفين من وجهة نظري غلط .
لا للتحالف مع الاخوان ولا الليبراليين وعلينا ان نعمل نحن في الشارع ونكسب الناس في صف اليسار الثوري