السبت، 25 يناير، 2014

ملاحظات بعد 25 يناير 2014

النهاردة أخدت قرار كدة جميل بالنزول إلى منطقة الأتحادية مش من أجل اني اتظاهر ضد السلطة الحالية ولا احتفل ولا افوض الcc ولا أي حاجة من دول بل لأني حبيت أنزل من بيتنا أخرج شوية أتمشى بالاضافة لكام حاجة كدة وبالمرة أتفرج على المواطنين الشرفاء بيحتفلوا وبيرقصوا وبيهيصوا, كدة يعني.
المهم طبعاً ما حسبته وجدته عدد يحتفل ويرقص ويطالبون عبدالفتاح السيسي بالترشح هاتفين سيسي يا سيسي انت رئيسي ما علينا اتمشيت واسمعهم بيتكلموا عن عيد الشرطة وشهدائهم ومصايبهم عادي عادي.
تحركت وتجولت في الاتحادية وخارجها حتى وصلت لشارع الميرغني ولفيت شوية في المنطقة المحيطة ورجعت وهكذا.
طبعاً كل الكلام اللي فات ده ولا ليه ريحة اللازمة عارف .

الأحد، 8 ديسمبر، 2013

من جديد (محاولة لتصفية دماغي التي أصبحت مخزن لمليون حاجة ملهمش دعوة ببعض) وشوية تأملات في دماغي برضه .

منذ فجر ال3 من يوليو وحتى يومنا هذا وأحنا في مساء ال8 من ديسمبر 2013 وأنا مفتحتش المدونة تقريباً أو بمعنى أدق مفتحتش منطقة أضافة التدوينة الجديدة اللهم الا وانا بعدل حاجة في مستوى الخط حسب توجيهات حد من الرفاق عشان يعرف يقرا مقالة ما من المقالات اللي في المدونة.

الثلاثاء، 2 يوليو، 2013

اعتراف مهم

بصوا بقى انا هقول اللي كان في دماغي من سنة بالظبط .
لما قلت ان مرسي لازم يكسب علشان نعرف نتخلص من الاخوان كان اللي ف دماغي بالظبط هو أن الاخوان هيجوا وهيعملوا مجازر اقتصادية وده طبيعي ولكن على اليسار أنه يتحرك ويعمل توعية عالية من ناحية ومن ناحية تانية ينشر البديل اللي هو بيقدمه للناس بدل اللي بيحصل وكل اللي انا كنت عاوزه هو 100 واحد مؤمن بجد باللي هنعمله واذا اشتغلنا المدة ديه شغل من نار فانسوا ان تقوم للاخوان والرأسمالية قومة في مصر واحنا اللي هنيجي بثورة شعبية بجد .
يعني باختصار انا كنت متأكد من اننا القادمين لو عرفنا نعمل ده ولكن للاسف ضاع وقت كتير انا اخطأت في عدة امور اهمها اني قدرت الناس غلط . ومن ناحية تانية نسيت أن اغلب الشباب كل همهم ف اليسار هو انهم يشربوا حشيش وازازة بيرة ويتخانقوا مع اهلهم ويربوا شعرهم ويلحدوا ويأمنوا اكتر من مرة ف اليوم الواحد وكدة بقوا شيوعيين بجد .
عارف ان محدش هيصدق اللي بقوله بس هو ده اللي حصل وفيه اكتر من شاهد على كدة اهمهم الرفيق اسلام ابو العلا عضو اللجنة المركزية بالحزب الشيوعي الثوري والرفيق حسام شادي لانهم هما اللي سمعوا مني الكلام ده وفهموا اللي كان ف دماغي صح .
للاسف كان قدامنا فرصة حلوة اوي وما اظنش انها هتتكرر

الأربعاء، 19 يونيو، 2013

تقرير حول الوضع المصري

تقرير صادر عن العصبة الأشتراكية الشعبية (ع.ا.ش) وهو تنظيم ماركسي لينيني مصري يتحدث عن الاوضاع بمصر وكان هذا التقرير من مشاركة العصبة في فاعليات الاسبوع النضالي الثقافي للنهج الديمقراطي القاعدي موقع مراكش
ملحوظة: كنت واحد من اللي شاركوا في كتابة هذا التقرير .



الرفاق والرفيقات الاعزاء اعضاء النهج الديمقراطي القاعدي
تحياتنا الحمراء الماركسية اللينينية مرسلة لكم من رفاقكم في مصر.
بداية نحن نحيي نضالكم ضد النظام الديكتاتوري العميل وأعوانه, ونحن أيضاً نواجه نظام ديكتاتوري فاشي عميل بمصر.

الجمعة، 14 يونيو، 2013

في ذكرى مولد جيفارا

اليوم الرابع عشر من يونيو ذكرى ميلاد الرفيق العظيم أرنستو تشي جيفارا
ولذلك فأنا أنشر هذه الأغنية وهذه الصورة له .
تحيا ذكرى الرفيق جيفارا دوماً والرفاق أجمعين






الأربعاء، 29 مايو، 2013

حول حملة تمرد


حول حملة تمرد
أختفيت الفترة اللي فاتت شوية من على المدونة نتيجة لظروفي ولأني كنت قرفان وتقريباً مش ببطل شتيمة وانا مش بفضل أني أشتم على المدونة.
ما علينا , المهم في الفترة اللي فاتت بدأت تصعد حملة ما تسمى "تمرد" تسعى الحملة حسب ما أعلن مؤسسي الحملة لجمع 15 مليون توقيعاً ضد محمد مرسي لسحب الثقة منه وقيام أنتخابات رئاسية مبكرة, معتقدين أن بذلك يكون التمرد وبذلك يكون أنتهاء النظام الحالي وبناء نظام جديد يحقق الحرية والديمقراطية والعدالة الاجتماعية!!

الجمعة، 12 أبريل، 2013

الاثنين، 4 فبراير، 2013

حول فيلم Chakravyuh


فيلم Chakravyuh فيلم هندي انتاج سنة 2012 بيحكي الفيلم عن التمرد الماوي في الهند بقيادة حركة الناكسال ( الحزب الشيوعي الهندي الماوي وتنظيمات أخرى تقاتل معه يسيطرون على الساحل الشرقي أي حوالي 40% من مساحة الهند فيما يعرف بمنطقة الشريط الأحمر) 
الفيلم كنتيجة لأنه من أنتاج الهند فهو يهاجم وبشدة الناكسال ولكنه في الوقت ذاته يقول لماذا هناك ناكسال ويقول لماذا هؤلاء يفعلون هذا يشرح هذا بكل وضوح من خلال التجارب التي مر بها عدد منهم ورؤيتهم للظلم بأعينهم والرغبة في مجتمع أفضل ليس فيه فقر أو ظلم.
وأيضاً وضح أخطاء الحكومة التي دفعت ب(كبير) وهو العميل الذي تمت زراعته وسط الماويين أن يتحول إلى ماوي ويقاتل في صفوفهم
تحدث الفيلم عن قوانين الناكسال فيما يخص الخيانة مثلاً وكذلك الدعارة ومن يفضل مصلحة نفسه ضد مصالح الأغلبية وهي عقوبتها الاعدام .
كما انتقد الفيلم وبشدة ان القيائل في هذه المنطقة بالرغم من معرفتها بالثورة وأفكار كارل ماركس وفريدريك انجلز وفلادمير لينين وجوزيف ستالين وماو تسي تونغ لا تعرف العد لما بعد رقم20.
وأنتقد عدم وجود أطباء من قبل الماويين  في هذه المناطق لعلاج أهل هذه المناطق التي يسيطرون عليها .
وأنتقد الفيم أيضاً تصرفات رجال الأمن الهنود وقيامهم بسرقة الفقراء . 
وفي المشهد الأخير بعد أن قامت الشرطة بقتل كبير وتحدث عادل عن ما حدث فيما بعد يوجد أعتراف تام بالظلم الاجتامعي حيث تتركز هناك الثروة في يد 100 شخص فيما يعيش اكثر من 75% من الشعب الهندي بما لا يتخطى 74 سنت في اليوم الواحد.
كما اعترفوا بقوة الناكسال في لقطة تحرك طابور للناكسال الذي امتد منذ شروق الشمس حتى غروبها وأن نتيجة لقتل جوهي وكابير قام الماويين بنشر الفكر اكثر وسط القرويين الفقراء وضموا اليهم اعداد كبيرة منهم , يذكر أن عدد الماويين الحامليين للسلاح يتعدى مليون فرد بالإضافة غلى ان هناك أخرين لا يقومون بحمل السلاح ويعملون وسط الطلاب والعمال في مناطق أخرى أو من يعملون في أعمال تبع الماويين .

وهذا ملخص سريع للفيلم:

السبت، 5 يناير، 2013

شوية كلام لاني اتخنقت

شوية كلام عاوز اقولهم لاني اتخنقت من كل اللي بيحصل او من تلت اربع اللي بيحصل في البلد اليومين دول .
ملحوظة المقالة ممكن يبقى فيها كلام يضايقك :

الاثنين، 26 نوفمبر، 2012

اعود للكتابة من جديد

توقفت عن الكتابة منذ مدة واعود من جديد اليوم لاكتب من جديد
في الفترة الاخيرة لاحظت شوية يساريين بدأوا ينتقدوا الاخوان نقد ليبرالية .واللي ميعرفش يعني ايه نقد ليبرالي اقولك انا يعني ايه .
يعني نقد منحصر في : الحريات السياسية والديمقراطية مش اكتر من كدة
وسلم لي بقى على حقوق العمال والفلاحيين والغلابة وجدتي عشان بقالي كتير مشفتهاش .
المهم تيجي تتكلم مع اي حد منهم لازم يبرر لك موقفه ويعملك فيها لينين وهو بيتكلم ويقولك اصل البرجوازية اينعم مش ثورية اوي بس لازم نتحالف معاها ضد الاخوان ولازم نشارك في الانتخابات لان ديه الحل . وانسى بقى فكرة الثورة والكلام ده .
المهم انا نفسي افهم ايه رغبة اللي خلفوكم في انكم تضيعوا اليسار اكتر واكتر وتخلوه يبعد عن الشارع ويبقى اخره انتخابات وليه مش عاوزينه انه يكون يسار حقيقي؟؟
طبعاً الاجابة واضحة جداً وهي انكم مش يساريين اصلاً واليسار بالنسبة لكم ما هو الا سبوبة واكل عيش مش اكتر