يوم 26 نوفمبر من فكرة الثورة إلى الفشل.
قررت اكتب عن يوم 26 نوفمبر وازاي اتحول من الثورة إلى الفشل وايه الاسباب . حابب اني اكتب واقول واعلن علسان اعرف الناس كلها . وشكراً
مش عارف ابتدي منين بالظبط لكن انا ممكن ابتدي من ساعة اما عرفت الامر لغاية اخره.
يوم 15 اكتوبر2010 لقيت تليفوني بيرن استاذ يحيى صلاح كان بيتصل بيا فرديت وبعد اما سلمنا على بعض وكل واحد فيهم اطمأن ان التاني كويس وزي الفل ومية مية والحمدلله قالي انه شافني اني هكون من المشاركيين يوم 19 نوفمبر 2010 في المظاهرة المليونية اللي تم التخطيط لها من شهر اكتوبر . وقالي ان انا وحركة كلنا مصريين لو نشرنا الامر بشكل قوي وكبير ومكثف فهندعوا تقريباً ملايين وعلى الاقل هيجي منهم فوق ال 2 مليون وبكدة هنبقى قادريين على اسقاط نظام الطاغية حسني مبارك في وقت قليل بدل ما نحتاج إلى ايام قد نسقطه في نفس اليوم اوبعده بيومين او ثلاث بالكتير طالما كان العدد كبير .
ولكن المعاد اتغير تاني يوم بعد اما لقينا ان الامر هيكون خطير لو عملناه يوم19 بسبب ان ده هيكون ضمن ايام العيد وايام العيد بيبقى الامن المركزي مركز جامد اوي والشرطة مبترحمش واحنا عاوزيين الموضوع يبقى طبيعي علشان تنجح الفكرة.
وفعلاً بدأت ادعوا الناس للموضوع ده على الفيس بوك بشكل كبير جداً وعملت ايفنت على جروب الحركة يدعوا لهذه المظاهرة. وعملت بيان من الحركة صادر للدعوة لهذه المظاهرة وكان قوي جداً واتنشر بسرعة بسبب صفحة حركة الثوار الاحرار والايفنت الاصلي بتاع المظاهرة المليونية والايفنت الخاص بالجروب والرسائل الخارجة من الجروب وموقع الحركة ومدونتي الشخصية يعني من الاخر كدة مسبتش حاجة اقدر انشر عليها الا اما نشرت عليها .
وادي نص البيان اللي خرج من الحركة بتاريخ يوم 22 اكتوبر عام 2010 للدعوة لهذه المظاهرة :
بيان إلى الشعب المصري )
شاركوا في التغيير شاركوا يوم 26 نوفمبر
يستكمل هذا النظام عامه الثلاثون
ثلاثون عاماً من الفساد والطوارئ ويريدون الاستمرار بالتمديد والتزوير نعيش حالة من الفساد لم نعيشها من قبل مع أي حاكم حتى لو كان الملك فاروق .
وان لم نقف في وجه مبارك الطاغية وابنه المورث له الحكم فسوف نحيا طول عمرنا رأسنا في الرمال ولن يتغير شئ في حياتنا فسوف يستمر الجوع والبطالة ومن الممكن ان ننتهي مثلما انتهى خالد سعيد على يد المخبرين والشرطة سوف نعيش في الخوف والظلام والمعون وعدم الاستقرار .
انما للصبر حدود ولمبارك حدود وخلاص وصلوا للحدود
اليوم خلاص موعده حان حان يوم 26 نوفمبر 2010 لازم نحط للظلم نهاية لازم نثور لازم نوقع النظام الفاسد لازم نسقط النظام لازم يقع .
ولذلك يدعوكم كل من : الحملة الشعبية لدعم الدكتور محمد البرادعي , حركة شباب 6أبريل , الجمعية الوطنية للتغيير, حركة كلنا مصريين , حملة دعم الدكتور ايمن نور رئيساً للجمهورية , حملة دعم الاستاذ حمدين صباحي رئيساً للجمهورية , حركة شباب 9فبراير وغيرهم إلى المشاركة في المظاهرة المليونية يوم 26 نوفمبر القادم
وانها ليست بمجرد مظاهرة ولكنها ثورة ويجب ان نجعلها ثورة يجب ان يكون هذا اليوم هو اخر يوم في اعتصاب حسني مبارك لعرش مصر .
خطة اليوم كالاَتي:
1_ ان نجتمع يوم الجمعة 26 نوفمبر بعد صلاة الجمعة في نصف ميدان التحرير .
2_ لو لقيناهم عاملين كردونات هنحاول نتجمع في اقرب مكان خارج الكردون.
هدف المظاهرة هو :
انهاء النظام الذي فسد , ا
نهاء حالة الطوارئ,
وجود حد ادنى عادل للاجور طبقاً لارتفاع الاسعار.
فشاركوا من اجل مصر ومن اجل ان نحيا حياة كريمة على ارضنا بدون ذل او عار) .
كمان كنا طبعنا البيان ده وبدأنا نوزعه في اسكندرية والقاهرة واسيوط والغربية وكنت بتصل تقريباً كل اسبوع بالمنسقيين في كل الحافظات واطمأن على الاخبار . واتصلت بالاستاذ سامي دياب مدير مركز عرب بلاحدود واعلن انهم هيشاركوا معانا في اليوم ده وبرضوا بعت رسالة لناس كانوا بيشكلوا تنظيم سري شيوعي اسمهم حركة التغيير الشيوعي وكان عددهم قليل واكدوا انهم معانا وكنت يومياً على الصفحة بكتب وبرد واقول واتناقش وازعق انا والزملاء وجت لنا ردود قوية جداً جداً جداً من الناس وتأييد للمظاهرة بشكل كبير اكتر مما كنت متصور والناس بدأوا يدونا افكار جديدة للعمل بيها وعملنا فيديو كان للدعوة للموضوع ده ونشرناه في كل مكان على موقع حركة كلنا مصريين وفي غيره من الاماكن زي الفيس بوك واليوتيوب وكنا بننشره ونشوف الناس اللي فاتحيين الشات ونبعت لهم بيان الدعوة للمظاهرة.
وقبل عيد الاضحى كنت في المدرسة وفي مكتب المديرة باخد اذن خروج بدري من المدرسة وكان معايا تليفوني ومفتوح وفجأة لقيت تليفوني بيرن ببص لقيت الرقم برايفت مفيش رقم ورديت مستغل الزحمة في مكتب المديرة وانا واقف برة وده الحوار :
انا : الو
المتصل : ايوة استاذ علاء الشرقاوي .
انا: ايوة .
المتصل : ازيك يا علاء عامل ايه ؟
انا : الحمدلله كويس .
بس مين معايا؟ المتصل : انا الرائد سامح عمر من امن الدولة .
انا : برد وانا مخضوض : اه اهلاً وسهلاً يا فندم .
المتصل: اهلاً بيك .
انا: من فضل حضرتك انا دلوقتي مش فاضي فول سمحت ممكن حضرتك تكلمني كمان ربع ساعة؟
المتصل: اوي اوي انت في الكلية دلوقتي .
انا بحاول اسكته وخلاص : ايوة ايوة .
المتصل : اوكيه وهو كذلك .
وقفلت فعلاً وانا كنت مرتبك جداً ومش عارف الموضوع ايه يمكن يستدعوني ويمكن يتقبض عليا اول ما اخرج من المدرسة طب اعمل ايه اروح فين ؟؟ مقدميش غير اني احاول واعافر ويلا بقى مش مهم اللي يحصل يحصل .
اخدت اذن الخروج وطلعت لباب المدرسة سلمته للي على البوابة واول ما خرجت لقيت تليفوني بيرن وبرضوا الرقم البرايفت وانا من شدة توتري وان انا مش عارف ايه الموضوع قفلت عليه وحاول تاني وبرضوا قفلت بالغلط فاتصل بيا من رقم عادي اعتزرت له وقالي انه بيكلمني اهو من الرقم البرايفت ولقيته فعلاً ع الويتينج فقبلته من البرايفت وخلاص .
انا: ايوة يا فندم خير في ايه ؟؟
المتصل: خير يا علاء انا بس كنت عاوز ادردش معاك شوية , احنا شفناك بتنشر دعوة ع الفيس بوك لمظاهرة مليونية في ميدان التحرير يوم26 نوفمبر صح مش كدة ؟
انا: ايوة .
المتصل : تمام , انت عضو في ايه يا علاء؟؟
انا: انا كنت عضو في شباب 6ابريل ودلوقتي عضو في حشد ولجنة التضامن مع مجدي حسين وحركة كلنا مصريين وحزب التجمع .
المتصل : تمام . طب يعني انتوا ليه واشمعنى ميدان التحرير ؟؟
انا: لان ده المكان المناسب اللي نقدر فيه نعلي صوتنا ونكون كسرنا حاجز الخوف وكسرنا سلالم نقابة الصحفيين والمحميين والاطباء وكسرنا كل الحواجز وهنوصل صوتنا في يوم اجازة فيقدر الكل انه يشارك بدون ما نعطل حد عن شغله واكل عيشه . عاوزيين نوصل صوتنا لاننا اتخنقنا خلاص تعبنا شفنا الويل سنين ساكتيين مش بنفتح بوقنا بكلمة صبرنا وشفنا الويل 30 سنة استعباد وذل وقمع وبهدلة خنقتونا وقرفتونا وكنت متعصب اوي ع الظابط وانا بتكلم وكنت مطلع كل غضبي فيه .
المتصل : مالك بس فيه ايه ؟؟ اهدا شوية احنا بس بندردش ولو مش عاوز الدردشة ديه خلاص نقفل عادي جداً احنا بس بنتناقش وبغض النظر عن اي نتيجة هتحصل انا بس بنقلك وجهة نظري وفكري مش اكتر من كدة واحنا بندرددش وبس .
انا: انا مش عاوز انهي المكالمة وبالعكس انا عجباني المكالمة جداً وبسمع حضرتك .
المتصل: طيب يا علاء انا شايف ان الموضوع يكون في نقابة الصحفيين او المحاميين يعني مكان يكون مش هيعطل الدنيا لان انا هنزل كردونات واقفل المكان وانتوا محدتوش هتتحركوا ازي غير فقط عدة مطالب هتطالبوا بها وعاوزيين تحققوها ومحدتوش ازاي هتتحركوا وهتعملوا ايه . فانا افضل وشايف ان يعني الافضل ليكوا انكم تكونوا في منطقة مختفية بحيث متعطلوش الدنيا .
انا: دلوقتي ضرتك انا لو رحت في نقابة الصحفيين او المحاميين وقعدت قدامهم اهتف وازعق واقول خلاص شوية ناس قالوا وزعقوا وخلاص وكل واحد يروح لحاله . لا انا عاوز الناس تيجي وتشاركني ونبقى قوة واحدة في العمل وتشوف احنا بنعمل ايه من اجلهم ويبقوا معانا ونبقى ايد واحدة ونطالب بحقنا بعد سكوت وصمت سنين طويلة مرت علينا واحنا ساكتيين خلاص زمن السكوت والصمت انتهى مبقاش له مكان وصتنا نهائياً .
المتصل : طب اهدا يا علاء مالك متعصب ليه خليك هادي امال ياراجل مش كدة . انت سنك اد ايه يا علاء؟؟
انا : انا سني 14 سنة .
المتصل: رائع ده شئ كويس ويخليني افتخر ان البلد ديه هتطلع عظماء.
انا: شكراً .
المتصل: انت ساكن فين ؟
انا: مساكن شيراتون.
المتصل: غريب اوي بس انت مسجل عندي انك في الشيخ زايد .
انا: انا في مساكن شيراتون في اغلب الوقت مع والدي وفي الاجازات ومواعيد التحركات غالباً ببقى عند والدتي في الشيخ زايد .
المتصل : تمام . وعلى فكرة يعني مستغربش ان انا بسألك لان خلاص زمن ان اللي بيعمل تحركات نقوم جايبينه وجايبيين معلومات عيلته خلاص انتهى والكلام ده كله . وانا بسمعه وبضحك ان ازاي ظابط امن دولة مش عارف معلومات بسيطة اوي وسهلىة كدة .
المتصل : بس انت يعني ايه السبب انك تبقى في السياسة رغم سنك ؟
انا : ده مضوع طويل اهمه هو ان انا بحب مصر وبموت فيها وعلى استعداد اني اعمل اي حاجة من اجلها.
المتصل: احنا كلنا بنحب مصر والله بس احنا برضه عاوزيين مصلحتها يعني .
وانا عمال اسمع واطنش لان لو مسكت له كل كلمة يبقى مش هخلص وانا تعبان وقرفان وعاوز انام لاني منمتش بالليل كويس . المتصل: انت والدك بيشتغل ايه ؟
انا : دكتور في جامعة القاهرة كلية اداب قسم اللغة العربية اسمه عبدالرحمن الشرقاوي .
المتصل : طب مالك بتجر لي الموضوع ليه كدة كله يعني ؟
انا : بحب اقول كلامي صريح وواضح .
المتصل : طب ووالدتك ؟
انا: مدرسة لغة عربية للاجانب بمعهد كمبوني للدرسات العربية التابع لدولة الفاتيكان ومكانه في الزمالك .
المتصل : تمام بس غريب اوي يعني انه تبع الفاتيكان وانا يتهيئ لي انك مسلم صح؟ ا
نا : ايوة انا مسلم لكن ده عمل والدتي وعلى فكرة والدتي مسلمة وجدها اسمه محمد وانا مسلم بالرغم من اني يساري ماركسي . ا
لمتصل : تمام رائع ده كويس , اصل انا استغربت لانك بتقول انك متضامن مع مجدي حسين فاستغربت لان مش معقول ان في واحد غير مسلم يكون متضامن مع مجدي حسين .
انا: على فكرة اللي ضمني للجنة التاضمن مع مجدي حسين واحد مسيحي واللجنة فيها مسيحيين .
المتصل: تمام تمام على فكرة انا ساكن في مساكن شيراتون يعني احنا جيران .
انا : طب والله كويس .
المتصل: وانا تحت امرك في اي حاجة لو عزتها واتمنى انك تغير رأيك انت والمنظميين وتخليكوا في منطقة متعطلش الدنيا.
انا: ما تحاولش يا باشا خلاص احنا سكتنا كتير ولازم ندور على حقنا في بلدنا .
المتصل : براحتك وانا تحت امرك في اي حاجة واحنا برضه جيران .
انا : اوكيه . مع السلامة .
المتصل: سلام .
واخيراً المكالمة خلصت وانا خلصت منه لكني كنت فرحان اني فرغت غضبي وقلت رأيي بدون اي خوف او قلق . ونشرت ع الفيس بوك الموضوع ده والناس بقى ايه كانوا فرحانيين بشكل غير عادي من ردي على الظابط لان الرد كان قوي وان انا اكدت ان المظاهرة مستمرة وشغالة رغم اي شئ .
وكان حصل برضوا في النص حادثة قتل الشهيد احمد شعبان شهيد الداخلية وده كمان كان كويس من وجهة نظرنا لان ده هيساعد على اننا نحشد الناس بشكل اكبر . وفعلاً استمرنا في النشر بطريقة اشرس من الاول ونعمل صور كتير وتهاني بالعيد وننشر الفكرة بكل طريقة .
ولكن في يوم 20 نوفمبر الاقي حاجة غريبة جداً ان شباب 6 ابريل يفاجئونا بانهم هيعملوا يوم غضب ضد ممارسات الداخلية في كل محافظات مصر يوم الجمعة 26 نوفمبر بعد صلاة الجمعة وخدوا شعار (اعمل ازعاج) .
انا اول ما شفت ده اتعصبت وركبني مليون عفريت . دخلت ع الصفحة وسألت اكدوا لي ان ديه فروع للثورة وان الثورة مستمرة والمظاهرات هتبقى بالملايين وهنسقط مبارك مع ان احنا اتكلمنا واتفقنا على ان المظاهرة في ميدان التحرير واليوم ده كدة هيفشل والناس هتتفشكل والموضع هيبقى فوضة ملهاش مثيل .
واتصلت بالاستاذ يحيى طلاح وقعدنا نتكلم حول الموضوع ده وقالي انه مكنش يعرف الموضوع ده .
وفضلت قاعد على اعصابي لغاية اليوم التاني( ملحوظة الكلام ده كان في اول الاسبوع قبل يوم 26 بايام معدودة).
المهم اتصلت بيه في اليوم التاني وراح قايلي : انه اتصل باحمد ماهر وقاله عيب يا ماهر وميصحش وينفعش وشوية كلام من ده عادي جداً .وقالي المفروض يوم 26 تجمع الناس ولما تيجوا تروحوا متدخلوش الكردونات واجروا لو الامن جري واتجمعوا تاني وهكذا .
بس برضوا اول ما خلصت المكالمة كان فيه اجتماع مع قيادة الحركة كان اجتماع عاجل وهام . واتخذنا قرار بالانسحاب من المظاهرة لان كدة ديه مشكلة .
وفعلاً كتبت البيان على موقع الحركة والفيس بوك والجروب وكل مكان وبرضوا نشرته كويس جداً.
ومشي معيا بتوع مركز عرب بلا حدود والعمل الاسلامي والتغيير الشيوعي وغيرهم من الشباب الصغير اللي اقتنعوا بالكلام .
وكان نص بيان الانسحاب هو :
بسم الله الرحمن الرحيم)
نظراً إلى تضارب الاقوال وعدم وجود قول واحد من شباب 6ابريل وحملة دعم البرادعي وتنظيم الثوار الاحرار . والي سوف يؤدي إلى فوضى كبيرة يوم 26 من نوفمبر وهو موعد المظاهرة المليونية والتي كانت الحركة من المنظمين لها. ولكي لا نكون من المشاركين في المهزلة التي سوف تحدث في ذلك اليوم بسبب الفوضى وعدم توحد الاقوال نعلن نحن حركة كلنا مصريين أننا لسنا من المشاركيين في مظاهرة يوم 26 نوفمبر 2010 والتي يطلق عليها المظاهرة المليونية . ونحن نتأكد من الفوضى التي سوف تحدث لسوء التنظيم وعدم توحيد القول . حركة كلنا مصريين)
ملحوظة :البيان ده صادر يوم 23 نوفمبر 2010 وانتشر بسرعة على الفيس بوك والمواقع ونشرنا في ثواني الموضوع وقلنا ان الموضوع خلاص هيتقلب فوضى بشكل غير عادي ولا مركزية بمعنى الكلمة وانا الصراحة كنت بنشر الموضوع ده بشكل ضخم عنداً فيهم لانهم قالوا اننا فشلة وهنصاب بخيبة امل.
المهم جه يوم 26 نوفمبر وفتحت التفزيون على الجزيرة وبعد كدة الجزيرة مباشر وبعدها العربية مش لاقي اي حاجة .
اتصلت بالاستاذ يحيى صلاح قال: الثورة فشلت .
الموضوع فشل اه لكن في اسباب :
اولها ان الامن لعب لعبته وخلى في فاعليتيين بدل واحدة علشان نتشتت وده فعلاً اللي نجحوا فيه وان مكنش فيه كلام واحد من الجميع وبرضوا انا والحركة لما بالغنا في نشر الموضوع واعلان اننا انسحبنا ونشرنا الاسباب بشكل كبير علشان نبعد الناس عن المشاركة فيها فالموضوع فشل .
لكن الحمدلله ان دلوقتي نجح يوم 25 يناير .
انا كتبت الكلام ده علشان اعرف الناس كلها بالموضوع ده ويبقوا الناس عارفيين اللي حصل باكمله.
وشكراً علاء الشرقاوي
18\2\2011
قررت اكتب عن يوم 26 نوفمبر وازاي اتحول من الثورة إلى الفشل وايه الاسباب . حابب اني اكتب واقول واعلن علسان اعرف الناس كلها . وشكراً
مش عارف ابتدي منين بالظبط لكن انا ممكن ابتدي من ساعة اما عرفت الامر لغاية اخره.
يوم 15 اكتوبر2010 لقيت تليفوني بيرن استاذ يحيى صلاح كان بيتصل بيا فرديت وبعد اما سلمنا على بعض وكل واحد فيهم اطمأن ان التاني كويس وزي الفل ومية مية والحمدلله قالي انه شافني اني هكون من المشاركيين يوم 19 نوفمبر 2010 في المظاهرة المليونية اللي تم التخطيط لها من شهر اكتوبر . وقالي ان انا وحركة كلنا مصريين لو نشرنا الامر بشكل قوي وكبير ومكثف فهندعوا تقريباً ملايين وعلى الاقل هيجي منهم فوق ال 2 مليون وبكدة هنبقى قادريين على اسقاط نظام الطاغية حسني مبارك في وقت قليل بدل ما نحتاج إلى ايام قد نسقطه في نفس اليوم اوبعده بيومين او ثلاث بالكتير طالما كان العدد كبير .
ولكن المعاد اتغير تاني يوم بعد اما لقينا ان الامر هيكون خطير لو عملناه يوم19 بسبب ان ده هيكون ضمن ايام العيد وايام العيد بيبقى الامن المركزي مركز جامد اوي والشرطة مبترحمش واحنا عاوزيين الموضوع يبقى طبيعي علشان تنجح الفكرة.
وفعلاً بدأت ادعوا الناس للموضوع ده على الفيس بوك بشكل كبير جداً وعملت ايفنت على جروب الحركة يدعوا لهذه المظاهرة. وعملت بيان من الحركة صادر للدعوة لهذه المظاهرة وكان قوي جداً واتنشر بسرعة بسبب صفحة حركة الثوار الاحرار والايفنت الاصلي بتاع المظاهرة المليونية والايفنت الخاص بالجروب والرسائل الخارجة من الجروب وموقع الحركة ومدونتي الشخصية يعني من الاخر كدة مسبتش حاجة اقدر انشر عليها الا اما نشرت عليها .
وادي نص البيان اللي خرج من الحركة بتاريخ يوم 22 اكتوبر عام 2010 للدعوة لهذه المظاهرة :
بيان إلى الشعب المصري )
شاركوا في التغيير شاركوا يوم 26 نوفمبر
يستكمل هذا النظام عامه الثلاثون
ثلاثون عاماً من الفساد والطوارئ ويريدون الاستمرار بالتمديد والتزوير نعيش حالة من الفساد لم نعيشها من قبل مع أي حاكم حتى لو كان الملك فاروق .
وان لم نقف في وجه مبارك الطاغية وابنه المورث له الحكم فسوف نحيا طول عمرنا رأسنا في الرمال ولن يتغير شئ في حياتنا فسوف يستمر الجوع والبطالة ومن الممكن ان ننتهي مثلما انتهى خالد سعيد على يد المخبرين والشرطة سوف نعيش في الخوف والظلام والمعون وعدم الاستقرار .
انما للصبر حدود ولمبارك حدود وخلاص وصلوا للحدود
اليوم خلاص موعده حان حان يوم 26 نوفمبر 2010 لازم نحط للظلم نهاية لازم نثور لازم نوقع النظام الفاسد لازم نسقط النظام لازم يقع .
ولذلك يدعوكم كل من : الحملة الشعبية لدعم الدكتور محمد البرادعي , حركة شباب 6أبريل , الجمعية الوطنية للتغيير, حركة كلنا مصريين , حملة دعم الدكتور ايمن نور رئيساً للجمهورية , حملة دعم الاستاذ حمدين صباحي رئيساً للجمهورية , حركة شباب 9فبراير وغيرهم إلى المشاركة في المظاهرة المليونية يوم 26 نوفمبر القادم
وانها ليست بمجرد مظاهرة ولكنها ثورة ويجب ان نجعلها ثورة يجب ان يكون هذا اليوم هو اخر يوم في اعتصاب حسني مبارك لعرش مصر .
خطة اليوم كالاَتي:
1_ ان نجتمع يوم الجمعة 26 نوفمبر بعد صلاة الجمعة في نصف ميدان التحرير .
2_ لو لقيناهم عاملين كردونات هنحاول نتجمع في اقرب مكان خارج الكردون.
هدف المظاهرة هو :
انهاء النظام الذي فسد , ا
نهاء حالة الطوارئ,
وجود حد ادنى عادل للاجور طبقاً لارتفاع الاسعار.
فشاركوا من اجل مصر ومن اجل ان نحيا حياة كريمة على ارضنا بدون ذل او عار) .
كمان كنا طبعنا البيان ده وبدأنا نوزعه في اسكندرية والقاهرة واسيوط والغربية وكنت بتصل تقريباً كل اسبوع بالمنسقيين في كل الحافظات واطمأن على الاخبار . واتصلت بالاستاذ سامي دياب مدير مركز عرب بلاحدود واعلن انهم هيشاركوا معانا في اليوم ده وبرضوا بعت رسالة لناس كانوا بيشكلوا تنظيم سري شيوعي اسمهم حركة التغيير الشيوعي وكان عددهم قليل واكدوا انهم معانا وكنت يومياً على الصفحة بكتب وبرد واقول واتناقش وازعق انا والزملاء وجت لنا ردود قوية جداً جداً جداً من الناس وتأييد للمظاهرة بشكل كبير اكتر مما كنت متصور والناس بدأوا يدونا افكار جديدة للعمل بيها وعملنا فيديو كان للدعوة للموضوع ده ونشرناه في كل مكان على موقع حركة كلنا مصريين وفي غيره من الاماكن زي الفيس بوك واليوتيوب وكنا بننشره ونشوف الناس اللي فاتحيين الشات ونبعت لهم بيان الدعوة للمظاهرة.
وقبل عيد الاضحى كنت في المدرسة وفي مكتب المديرة باخد اذن خروج بدري من المدرسة وكان معايا تليفوني ومفتوح وفجأة لقيت تليفوني بيرن ببص لقيت الرقم برايفت مفيش رقم ورديت مستغل الزحمة في مكتب المديرة وانا واقف برة وده الحوار :
انا : الو
المتصل : ايوة استاذ علاء الشرقاوي .
انا: ايوة .
المتصل : ازيك يا علاء عامل ايه ؟
انا : الحمدلله كويس .
بس مين معايا؟ المتصل : انا الرائد سامح عمر من امن الدولة .
انا : برد وانا مخضوض : اه اهلاً وسهلاً يا فندم .
المتصل: اهلاً بيك .
انا: من فضل حضرتك انا دلوقتي مش فاضي فول سمحت ممكن حضرتك تكلمني كمان ربع ساعة؟
المتصل: اوي اوي انت في الكلية دلوقتي .
انا بحاول اسكته وخلاص : ايوة ايوة .
المتصل : اوكيه وهو كذلك .
وقفلت فعلاً وانا كنت مرتبك جداً ومش عارف الموضوع ايه يمكن يستدعوني ويمكن يتقبض عليا اول ما اخرج من المدرسة طب اعمل ايه اروح فين ؟؟ مقدميش غير اني احاول واعافر ويلا بقى مش مهم اللي يحصل يحصل .
اخدت اذن الخروج وطلعت لباب المدرسة سلمته للي على البوابة واول ما خرجت لقيت تليفوني بيرن وبرضوا الرقم البرايفت وانا من شدة توتري وان انا مش عارف ايه الموضوع قفلت عليه وحاول تاني وبرضوا قفلت بالغلط فاتصل بيا من رقم عادي اعتزرت له وقالي انه بيكلمني اهو من الرقم البرايفت ولقيته فعلاً ع الويتينج فقبلته من البرايفت وخلاص .
انا: ايوة يا فندم خير في ايه ؟؟
المتصل: خير يا علاء انا بس كنت عاوز ادردش معاك شوية , احنا شفناك بتنشر دعوة ع الفيس بوك لمظاهرة مليونية في ميدان التحرير يوم26 نوفمبر صح مش كدة ؟
انا: ايوة .
المتصل : تمام , انت عضو في ايه يا علاء؟؟
انا: انا كنت عضو في شباب 6ابريل ودلوقتي عضو في حشد ولجنة التضامن مع مجدي حسين وحركة كلنا مصريين وحزب التجمع .
المتصل : تمام . طب يعني انتوا ليه واشمعنى ميدان التحرير ؟؟
انا: لان ده المكان المناسب اللي نقدر فيه نعلي صوتنا ونكون كسرنا حاجز الخوف وكسرنا سلالم نقابة الصحفيين والمحميين والاطباء وكسرنا كل الحواجز وهنوصل صوتنا في يوم اجازة فيقدر الكل انه يشارك بدون ما نعطل حد عن شغله واكل عيشه . عاوزيين نوصل صوتنا لاننا اتخنقنا خلاص تعبنا شفنا الويل سنين ساكتيين مش بنفتح بوقنا بكلمة صبرنا وشفنا الويل 30 سنة استعباد وذل وقمع وبهدلة خنقتونا وقرفتونا وكنت متعصب اوي ع الظابط وانا بتكلم وكنت مطلع كل غضبي فيه .
المتصل : مالك بس فيه ايه ؟؟ اهدا شوية احنا بس بندردش ولو مش عاوز الدردشة ديه خلاص نقفل عادي جداً احنا بس بنتناقش وبغض النظر عن اي نتيجة هتحصل انا بس بنقلك وجهة نظري وفكري مش اكتر من كدة واحنا بندرددش وبس .
انا: انا مش عاوز انهي المكالمة وبالعكس انا عجباني المكالمة جداً وبسمع حضرتك .
المتصل: طيب يا علاء انا شايف ان الموضوع يكون في نقابة الصحفيين او المحاميين يعني مكان يكون مش هيعطل الدنيا لان انا هنزل كردونات واقفل المكان وانتوا محدتوش هتتحركوا ازي غير فقط عدة مطالب هتطالبوا بها وعاوزيين تحققوها ومحدتوش ازاي هتتحركوا وهتعملوا ايه . فانا افضل وشايف ان يعني الافضل ليكوا انكم تكونوا في منطقة مختفية بحيث متعطلوش الدنيا .
انا: دلوقتي ضرتك انا لو رحت في نقابة الصحفيين او المحاميين وقعدت قدامهم اهتف وازعق واقول خلاص شوية ناس قالوا وزعقوا وخلاص وكل واحد يروح لحاله . لا انا عاوز الناس تيجي وتشاركني ونبقى قوة واحدة في العمل وتشوف احنا بنعمل ايه من اجلهم ويبقوا معانا ونبقى ايد واحدة ونطالب بحقنا بعد سكوت وصمت سنين طويلة مرت علينا واحنا ساكتيين خلاص زمن السكوت والصمت انتهى مبقاش له مكان وصتنا نهائياً .
المتصل : طب اهدا يا علاء مالك متعصب ليه خليك هادي امال ياراجل مش كدة . انت سنك اد ايه يا علاء؟؟
انا : انا سني 14 سنة .
المتصل: رائع ده شئ كويس ويخليني افتخر ان البلد ديه هتطلع عظماء.
انا: شكراً .
المتصل: انت ساكن فين ؟
انا: مساكن شيراتون.
المتصل: غريب اوي بس انت مسجل عندي انك في الشيخ زايد .
انا: انا في مساكن شيراتون في اغلب الوقت مع والدي وفي الاجازات ومواعيد التحركات غالباً ببقى عند والدتي في الشيخ زايد .
المتصل : تمام . وعلى فكرة يعني مستغربش ان انا بسألك لان خلاص زمن ان اللي بيعمل تحركات نقوم جايبينه وجايبيين معلومات عيلته خلاص انتهى والكلام ده كله . وانا بسمعه وبضحك ان ازاي ظابط امن دولة مش عارف معلومات بسيطة اوي وسهلىة كدة .
المتصل : بس انت يعني ايه السبب انك تبقى في السياسة رغم سنك ؟
انا : ده مضوع طويل اهمه هو ان انا بحب مصر وبموت فيها وعلى استعداد اني اعمل اي حاجة من اجلها.
المتصل: احنا كلنا بنحب مصر والله بس احنا برضه عاوزيين مصلحتها يعني .
وانا عمال اسمع واطنش لان لو مسكت له كل كلمة يبقى مش هخلص وانا تعبان وقرفان وعاوز انام لاني منمتش بالليل كويس . المتصل: انت والدك بيشتغل ايه ؟
انا : دكتور في جامعة القاهرة كلية اداب قسم اللغة العربية اسمه عبدالرحمن الشرقاوي .
المتصل : طب مالك بتجر لي الموضوع ليه كدة كله يعني ؟
انا : بحب اقول كلامي صريح وواضح .
المتصل : طب ووالدتك ؟
انا: مدرسة لغة عربية للاجانب بمعهد كمبوني للدرسات العربية التابع لدولة الفاتيكان ومكانه في الزمالك .
المتصل : تمام بس غريب اوي يعني انه تبع الفاتيكان وانا يتهيئ لي انك مسلم صح؟ ا
نا : ايوة انا مسلم لكن ده عمل والدتي وعلى فكرة والدتي مسلمة وجدها اسمه محمد وانا مسلم بالرغم من اني يساري ماركسي . ا
لمتصل : تمام رائع ده كويس , اصل انا استغربت لانك بتقول انك متضامن مع مجدي حسين فاستغربت لان مش معقول ان في واحد غير مسلم يكون متضامن مع مجدي حسين .
انا: على فكرة اللي ضمني للجنة التاضمن مع مجدي حسين واحد مسيحي واللجنة فيها مسيحيين .
المتصل: تمام تمام على فكرة انا ساكن في مساكن شيراتون يعني احنا جيران .
انا : طب والله كويس .
المتصل: وانا تحت امرك في اي حاجة لو عزتها واتمنى انك تغير رأيك انت والمنظميين وتخليكوا في منطقة متعطلش الدنيا.
انا: ما تحاولش يا باشا خلاص احنا سكتنا كتير ولازم ندور على حقنا في بلدنا .
المتصل : براحتك وانا تحت امرك في اي حاجة واحنا برضه جيران .
انا : اوكيه . مع السلامة .
المتصل: سلام .
واخيراً المكالمة خلصت وانا خلصت منه لكني كنت فرحان اني فرغت غضبي وقلت رأيي بدون اي خوف او قلق . ونشرت ع الفيس بوك الموضوع ده والناس بقى ايه كانوا فرحانيين بشكل غير عادي من ردي على الظابط لان الرد كان قوي وان انا اكدت ان المظاهرة مستمرة وشغالة رغم اي شئ .
وكان حصل برضوا في النص حادثة قتل الشهيد احمد شعبان شهيد الداخلية وده كمان كان كويس من وجهة نظرنا لان ده هيساعد على اننا نحشد الناس بشكل اكبر . وفعلاً استمرنا في النشر بطريقة اشرس من الاول ونعمل صور كتير وتهاني بالعيد وننشر الفكرة بكل طريقة .
ولكن في يوم 20 نوفمبر الاقي حاجة غريبة جداً ان شباب 6 ابريل يفاجئونا بانهم هيعملوا يوم غضب ضد ممارسات الداخلية في كل محافظات مصر يوم الجمعة 26 نوفمبر بعد صلاة الجمعة وخدوا شعار (اعمل ازعاج) .
انا اول ما شفت ده اتعصبت وركبني مليون عفريت . دخلت ع الصفحة وسألت اكدوا لي ان ديه فروع للثورة وان الثورة مستمرة والمظاهرات هتبقى بالملايين وهنسقط مبارك مع ان احنا اتكلمنا واتفقنا على ان المظاهرة في ميدان التحرير واليوم ده كدة هيفشل والناس هتتفشكل والموضع هيبقى فوضة ملهاش مثيل .
واتصلت بالاستاذ يحيى طلاح وقعدنا نتكلم حول الموضوع ده وقالي انه مكنش يعرف الموضوع ده .
وفضلت قاعد على اعصابي لغاية اليوم التاني( ملحوظة الكلام ده كان في اول الاسبوع قبل يوم 26 بايام معدودة).
المهم اتصلت بيه في اليوم التاني وراح قايلي : انه اتصل باحمد ماهر وقاله عيب يا ماهر وميصحش وينفعش وشوية كلام من ده عادي جداً .وقالي المفروض يوم 26 تجمع الناس ولما تيجوا تروحوا متدخلوش الكردونات واجروا لو الامن جري واتجمعوا تاني وهكذا .
بس برضوا اول ما خلصت المكالمة كان فيه اجتماع مع قيادة الحركة كان اجتماع عاجل وهام . واتخذنا قرار بالانسحاب من المظاهرة لان كدة ديه مشكلة .
وفعلاً كتبت البيان على موقع الحركة والفيس بوك والجروب وكل مكان وبرضوا نشرته كويس جداً.
ومشي معيا بتوع مركز عرب بلا حدود والعمل الاسلامي والتغيير الشيوعي وغيرهم من الشباب الصغير اللي اقتنعوا بالكلام .
وكان نص بيان الانسحاب هو :
بسم الله الرحمن الرحيم)
نظراً إلى تضارب الاقوال وعدم وجود قول واحد من شباب 6ابريل وحملة دعم البرادعي وتنظيم الثوار الاحرار . والي سوف يؤدي إلى فوضى كبيرة يوم 26 من نوفمبر وهو موعد المظاهرة المليونية والتي كانت الحركة من المنظمين لها. ولكي لا نكون من المشاركين في المهزلة التي سوف تحدث في ذلك اليوم بسبب الفوضى وعدم توحد الاقوال نعلن نحن حركة كلنا مصريين أننا لسنا من المشاركيين في مظاهرة يوم 26 نوفمبر 2010 والتي يطلق عليها المظاهرة المليونية . ونحن نتأكد من الفوضى التي سوف تحدث لسوء التنظيم وعدم توحيد القول . حركة كلنا مصريين)
ملحوظة :البيان ده صادر يوم 23 نوفمبر 2010 وانتشر بسرعة على الفيس بوك والمواقع ونشرنا في ثواني الموضوع وقلنا ان الموضوع خلاص هيتقلب فوضى بشكل غير عادي ولا مركزية بمعنى الكلمة وانا الصراحة كنت بنشر الموضوع ده بشكل ضخم عنداً فيهم لانهم قالوا اننا فشلة وهنصاب بخيبة امل.
المهم جه يوم 26 نوفمبر وفتحت التفزيون على الجزيرة وبعد كدة الجزيرة مباشر وبعدها العربية مش لاقي اي حاجة .
اتصلت بالاستاذ يحيى صلاح قال: الثورة فشلت .
الموضوع فشل اه لكن في اسباب :
اولها ان الامن لعب لعبته وخلى في فاعليتيين بدل واحدة علشان نتشتت وده فعلاً اللي نجحوا فيه وان مكنش فيه كلام واحد من الجميع وبرضوا انا والحركة لما بالغنا في نشر الموضوع واعلان اننا انسحبنا ونشرنا الاسباب بشكل كبير علشان نبعد الناس عن المشاركة فيها فالموضوع فشل .
لكن الحمدلله ان دلوقتي نجح يوم 25 يناير .
انا كتبت الكلام ده علشان اعرف الناس كلها بالموضوع ده ويبقوا الناس عارفيين اللي حصل باكمله.
وشكراً علاء الشرقاوي
18\2\2011
ليست هناك تعليقات:
إرسال تعليق