هذه المقالة قمت بكتابتها في عهد الطاغية حسني مبارك بتاريخ 3سبتمبر 2010
رئيسنا من تحت الكرسي
جه يوم 6أكتوبر وفي ذكرى الانتصار انضرب الرصاص على محمد انور الساجات الرئيس السابق والبطل الفارس المغوار اللي بيبهدل الاشرار والارهاب محمد حسني مبارك يعمل ايه ايه ايها؟؟؟؟
ملقاش لما القتلة نزلوا من العربية الا الكرسي اللي هو قاعد عليه واترمى تحته عشان يحمي نفسه من ضرب الرصاص واتصاب اصابة خفيفة او غالباً ديه كانت تمثيلية على الشعب وايده بس اتخبطت في الارض وهو بينزل تحت الكرسي بسرعة من اطلاق الرصاص ناحيته.
طبعاً كل ما الواحد بيتخيل ان اللي بيتحكم فيه ده هو جبان واترمى تحت الكرسي لما الرصاص انضرب ناحية السادات.
وبعدين بقى شوفوا الكذب اللي على الشعب كذب اصلي قال يقول بسلامته انهم كان عندهم علم بهذه الحادثة واول ما الناس نزلوا قال للسادات وهو بينزل انزل ف السدات قال له سيبني يا حسني انا مش خايف انزل انت مصر محتاجة لك
كدب بقى ايه اصلي مفيش قبله ولا بعده كدب .
انا مش بعظم في السادات بل بالعكس انا شايف ان فئات الشعب كلها كان لازم تقتله مش فقط الجماعات لانه كان حاكم طاغية وبهدل الشعب ده وهو اللي حط حجر الاساس لوجود السرقة والبلاوي اللي بتحصل دلوقتي بعد ان جمال عبدالناصر رجع لهذا الشعب الكثير والكثير من حقوقه لكن اكبر خطأ له انه عين السادات نائب له وكبر في حسني مبارك وياريته كان قتل حسني مبارك .
بس تخيلوا فعلاً الرئيس من تحت الكرسي الناس بتجيبه شايف الجبن ويقولوا ايه صاحب الضربة الجوية الاولى يعني ادوله فخامة مش من حقه.
واصلاً لا يصدق انه يلحق يقول كلمة واحدة حتى للسادات لان لما نشوف الفيديو نلاقي اللي قتلوا السادات نزلوا بسرعة جدا وفي ثانية كان الرصاص بينضرب من كل ناحية وبيقتحم جسم السادات مفيش وقت انه يلحق يقوله حاسب هو يدوبك فخامة محمد حسني مبارك نزل استخبى تحت الكرسي لغاية اما الضرب خلص واللي مات مات واللي اتكتبت له الحياة عاش واللي انكتب عليه ان يتهري قفاه هو المواطن المصري واللي انكتب له عليهم المزيد من السرقة هم مصبر وشعبها الغلابة الطيبيين اللي ممكن يثوروا في اي لحظة ويقوموا ويهدوا الدنيا
ليست هناك تعليقات:
إرسال تعليق