لماذا تعديل المادة الثانية في الدستور ضروري؟
سؤال مهم جداً ليه تعديل المادة التانية في الدستور المصري ضروري ؟؟
دلوقتي ناس كتيير بعد اما احنا نطالب بتعديل هذه المادة بيشتمونا ويهزقونا وخصوصاً السلفيين .
وبيبقوا شايفيين ان فصل الدين عن السياسة ده حراام جداً وكفر والعياذ بالله .
انا والحمدلله مسلم بالرغم من اني يساري ماركسي لكني لسة متمسك بديني يعني لسة مكفرتش والحمدلله واعتبر انا وقلة قليلة جداً لم نكفر حتى الان وانا بعمل اللي انا شايفه صح وخلاص .
لكن انا بأيد فصل الدين عن السياسة وتصبح الدولة دولة مدنية للجميع حق فيها .
انا بأيد فصل الدين عن السياسة لان السياسة تفسد الدين.
ومن الاشياء اللي بتضايقني في الاسلاميين هي انهم مثلاً لما اقولهم ان يبفى الحاكم ليه لازم يكون مسلم ميكونش مسيحي او اي دين اخر او حتى ملحد ؟؟ يقعدوا يقولوا ويتحججوا بالمادة الثانية من الدستور ويقولوا احنا بلد اسلامي مينفعش ان اللي يقوده مسيحي .
طب ليه ؟؟؟
الموضوع ده محسسني ان المسيحي ولا اللي من دين تاني غير الاسلام مواطن درجة تانية ولا درجة تالتة. مع انه مواطن زيه زيي .
وحتى الاسلاميين والسلفيين دول ما كان معاهم مسيحيين وملحديين في الميدان بل كانوا لما بيصلوا الغير مسلميين هما اللي كانوا بيحموهم.
طيب يبقى احنا كنا ايد واحدة ومع بعض في الثورة وبرضوا مصريين على ان الدولة برضوا تبقى دينية ؟؟؟
مع ان مصر ديه لينا كلنا من اي اصل كنا او من اي دين يعني لو من اصل عربي او اصل قبطي انا مصري ومريتي شرف لي وشئ افتخر به دائماً ومن حق اي مواطن انه يكون رئيس دولة او يكون ليه منصب في الدولة طالما هو كفئ لهذا المنصب سواء بقى كان مسلم كان مسيحي كان يهود كان ملحد كان بهائي المهم انه مصري وكفئ لهذا وفقط ده اللي يهمني .
وحتى كان في حد سألني طب انت ترضى ان رئيس بلدك يبقى مسيحي او ملحد بالرغم انك مسلم ؟؟
قلت اه وعلى فكرة ه شئ طبيعي وكلنا نقبل بيه اكيد طالما انا شايف انه يقدر يبقى رئيس وهو كفئ لذلك يبقى انا اوافق عليه ليه لا؟؟
وبعدين رجع قال لي طب ما احنا بنقول يبقى مسلم لان المسلم هيسمح للجميع بانه يقيم الشعائر الدينية المسجي مش هيرضى ان المسلميين يقيموا شعائرهم الدينية .
طب ما احنا ليه بنقول ان الدولة تبقى مدنية مش تبقى دينية؟؟ علشان الموقف ده مثلاً لان كدة الكل هيبقى من حقه انه يقيم شعائره الدينية بحرية .
لازم اننا نتعامل على البلد ديه انها بلدنا كلنا مش بلد طرف واحد والباقي يولع بجاز .
مصر كانت تحت سيطرة حاكمها والمحكوميين كانوا دائماً مظلوميين لازم نخرج بقى من هذا العصر ونعمل بشكل يكون كويس ونتعامل على ان ديه بلدنا كلنا واننا كلنا واحد وان الاقباط والمسلميين والملحديين دول مصريين وليهم نفس الحقوق وعليهم نفس الواجبات لان احنا عدونا واحد وحلمنا واحد ومصلحتنا واحدة واننا سعينا لمصر افضل مصر بدون حسني مبارك واننا نسقط النظام واحنا فعلاً بننجح في ده واسقطنا حسني مبارك وبنكمل على باقي اتباع نظامه ولازم كلنا في الفترة القادمة ايد واحدة علشان مصر تبقى افضل واحسن من اللي فات ومر .
وشكراً
علاء الشرقاوي
ليست هناك تعليقات:
إرسال تعليق